Formula de Drake
En 1960 Frank Drake ia proposa un formula per computa la cuantia aprosima de la sivilias tecnolojial en nosa galasia. La formula ia deveni la funda per tota discutes sur la posible de contata tal sivilias.
La formula es F = R * fs * fp * ne * fl * fi * fc * L.
- F es la cuantia de sivilias tecnolojial con cual on ta pote comunica.
- R es la frecuentia promedia de la formi de stelas en nosa galasia.
- fs es la frato de esta stelas cual ave un sistem de planetas.
- ne es la cuantia promedia de planetas capas de suporta la vive, per cada stela cual ave planetas. (En nosa sistem solal sola la planetas Venus, Tera e Marte es en esta grupo.)
- fl es la frato de esta planetas cual developa la vive a alga tempo.
- fi es la frato de estas cual developa sivilias (vive intelijente).
- fc es la frato de estas cual developa un tecnolojia cual relasa a spasio indicas detetable de sua esiste.
- L es la tempo tra cual esta indicas es relasada.
Nos no sabe la valuas de la cuatro parametres destra de esta formula. La suposas de la siensistes difere vera, donce la resulta de esta formula es vera nonserta, variante entre un e plu ca milion sivilias en nosa galasia. Si vera multe tal sivilias ta esiste, donce on pote demanda perce nos no ia nota ja alga de los. Vide la Paradox de Fermi.