Francis Drake

Un depinta de Francis Drake par Marcus Gheeraerts joven.

Francis Drake (pron. Fransis Dreik) (1540 – 27 janero 1595) ia es un navigor, pirata, mercator de sclavos, e politiciste engles de la eda de Rea Elizabeth. El ia deveni un cavalero en 1581. Drake ia es la comandor du de la marina engles en la batalia contra la Marina Grande espaniol en 1588. El ia mori de disenteria pos un ataca nonsusedente a San Juan, Porto Rica en 1595.

Sua aventuras ia es como mitos, e la engleses ia regarda el como un eroe, ma la espanioles regarda el simple como un pirata. El ia es nomida "el draque" de la parola de espaniol vea cual sinifia "la dragon", cual es ance la radis de sua nom engles. On ia dise ce Re Filipo II de Espania ia ofre un premio de 20 000 ducates (4–8 milion paundes engles moderna) per la mata de Drake.