Futbal (acc futbal asosiada, socer) es un sporte de ecipos juada con un bal sfero entre du ecipos de 11 juores. Lo es juada par sirca 250 milion juores en plu ca 200 nasiones e teritorios, cual fa ce los es la sporte la plu popular de mundo. Lo es juada sur en campo retangulo con un gol a la du lados oposada. The ojeto de la jua es per ateni un resulta de plu puntos ca la otra ecipo, par move la bal ultra la linia de gol entre la palos de la gol. La ecipo con la cuantia la plu grande de goles gania la jua.

Un juor atentante colpa la bal en la gol, cual es protejeda par un golor
Un compete entre du ecipos de femes de Deutxland e la SUA
La campo de futbal
Un colpa libre, tipal la resulta de un puni per un era
Un ganior abrasa la Copa de Mundo

La juores no es permeteda a toca la bal con manos o brasos en cuando la jua es ativa. Sola la golor, ci es cargada con preveni la ecipo oposante de move la bal en la gol, pote toca la bal. Otra juores debe usa sua pedes per colpa o pasa la bal, ma pote usa cualce otra partes de sua corpo, estra la manos e brasos.

Futbal es governada internasional par la Asosia Internasional de Futbal (conoseda como FIFA, de franses Fédération Internationale de Football Association), cual ordina la Copa Mundal per cada cuatro anios. sirca 190 a 200 ecipos nasional completa en torneos per cuali per continua competa. La torneos final envolve 32 ecipos nasional cual competa tra un periodo de cuatro semanas. Lo es la torneos la plu prestijia e popular en la mundo, suprapasante an la juas olimpica.

La torneo la plu prestijia en futbal de clubes (pd, profesal) es la Liga de Campiones (ordinada par la UEFA, de engles Union of European Football Associations). La plu ligas la plu susedosa es la Liga Prima (England), La Liga (Espania), Bundesliga (Deutxland), Serie A (Italia), e Ligue 1 (Frans). Los atrae la juores la plu bon de la mundo, con salarios multe grande.

Futbal es un de un familia de juas cual ia developa de juas de bal variosa juada tra la mundo de edas antica. La jua moderna ia orijina en 1863, cuando la Leges de la Jua ia es orijinal codigida en England par la Asosia de Futbal.