Giosuè Carducci

Giosuè Carducci (1835–1907) ia es un poesiste, criticiste e mestre italian, jeneral regardada como la poesiste italian la plu grande de la fini de la sentenio 19. El ia nase en Val di Castello, Tuscany, e ia es instruida a la Universia de Pisa. De 1860 a 1904 el ia es profesor de leteratur italian a la Universia de Bologna. Carducci ia oposa la papia, la monarcia, e la sentosia romantica cual ia domina la leteratur italian en la periodo.

El ia afirma un reveni a la spirito pagan en relijio e un revive de la spirito e formas clasica en leteratur. En sua jovenia, el ia espresa frecuente sua ideas radisal en sua poesia, ma en sua eda tarda sua scrives ia es min controversa. El ia es la prima ci ia ajusta susedente la metres clasica latina a la poesia italian moderna.

En 1906 Carducci ia deveni la italian prima ci ia reseta la premio Nobel per leteratur. Entre sua obras la plu bon es Rimas Nova (1861–87), La poesia lirica pagan (1877–89) e Lirica e ritmos (1899).