Go

Go (japanes: go 碁 o igo 囲碁, xines: weiqi 圍棋, corean: baduc 바둑) es un jua de table vea de Asia e es juada par pone pesos negra e blanca a un table de 19×19 linias. En nosa dias, la popularia de la jua crese en la mundo ueste.

Table de Go

Car la jua ave regulas vera simple, on aprende rapida lo. Ma multe posibles de pone pesos esiste, e la combinas pote es vera complicada.

Iniorante alga diferes peti, la regulas de jua usada en paises diversa es la mesma.

Un de du juores ave la pesos negra, la otra ave la pesos blanca. La juores pone alterna un peso sur un crusa de linias de la table. La pesos marca la limitas de terenos. Cada juor atenta marca e teni plu tereno ca sua competor. La ganior es la juor ci teni la plu.