Gofer

Goferes es rodentes tunelinte de la familia Jeomido. On ave sirca 35 spesies, tota trovada en America Norde e sentral. Los pesa sirca 230 g e es sirca 150 a 200 mm en longia, con un coda 25 a 50 mm. La mases es plu grande ca la femas, posible duple. Sua pelo es brun e simil a la color de la solo en cual los vive. Sua es notable per sua poxes grande en sua jenas. Los es foreda con pelo, pote es inversada, e estende de la lado de la boca a retro a la spalas. Los ave oios peti e un coda corta e capelosa cual los usa per senti sua tuneles cuando los pasea a retro.

Tota goferes crea un rede de tuneles cual furni proteje e un loca per colie comedas. Los es cumulores e sua poxes es usada per transporta comedas a sua nidos. Los es normal solitar e no comun sorti de sua tuneles. Goferes come radises de plantas, arboreras, e vejetales como carotas, letus, rabanos, e cualce otra vejetal jusosa.