La hadeica es un eon jeolojial de Tera ante la arceica. Lo ia comensa con la formi de Tera sirca 4.6 bilion anios ante aora, e ia fini sirca 4 bilion anios ante aora. "Hadeica" ia deriva de Hadesla nom elinica per la dio de la enferno, e per la enferno mesma. Lo ia es intendeda como descrivente la ambiente "enfernin" sur Tera a la tempo. La planeta ia formi apena e ia es ancora multe calda, la resulta de sua acrete resente, la abunda de elementos radioativa, e la colides frecuente con otra corpos en la sistem de Sol.

Un imaje par un artiste de la crea de Luna

En teoria, un parte de la planeta ia es disturbada seria par la colide con un de acel corpos cual ia crea Luna. A acel aveni, un atmosfera de roca vaporida ia es creada. An si la vapor ia condensa en sirca 2000 anios, la volatiles calda cual ia resta ia resulta en un atmosfera pesosa con CO2, con idrojen e vapor de acua. Mares de acua licuida ia pote esiste, an en un temperatur a la surfas de 230ºC car, con la presa de la atmosfera ia es plu ca 27 atmosferas (la resulta de la CO2), acua es ancora licuida.

Per detalias, vide la scala de edas jeolojial.