Havannah

Havannah es un jua de stratejia per du juores inventada par Christian Freeling. Lo es un de la familia de jua comun nomida juas de lia; relativas inclui hex e twiXt. Havannah ave un stratejia sofistica e variante, e es la plu bon juada sur un table esagon de 10 esagones a un lado.

La table per havannah, con un esibi de la tre modos de gania

Un juor usa la pesos negra, e la otra la pesos blanca. Blanca comensa, pos cual la move alterna. La regulas:

• Cada juor pone un peso de sua color sur la table en sua turno;
• Pesos es nunca moveda, caturada, o en cualce modo cambiada;
• Un juor gania cuando el completa un de tre strutures diferente, de linias liada de pesos de sua color;
• Un anelo es un sirculo de pesos (la pesos blu en la imaje);
• Un ponte lia cualce du esagones a la cantos de la table (la pesos roja);
• Un force jua cualce tre bordas (estra la cantos) de la table (la pesos verde).

La juor prima ave un vantaje, cual es la razona per usa un regula spesial: La juor du pote eleje intercambia roles con la juor prima pos cuando la juor prima ia pone sua peso prima. Juores de fortias diferente pote ancora ave un jua interesante par permete ce la juor plu debil es permeteda pone du o plu pesos sur sua turno prima.