Ieroglifos micmac

Ieroglifos micmac ia es un sistem de scrive e aida per memoria usada par la micmaces, un popla de la Nasiones Prima de la costa este de Canada.

La ieroglifos es datida de la periodo de la misionores, composada de logogrames con elementos fonetica. Los ia es derivada de un tradision de imajes sur cuoro, cortex de betul, o rocas. En micmac, la glifos es nomida komqwejwi'kasikl o "scrive de pexes sucante", cual refere a la trasas la pex cual resta sur la fondas fangosa de rios.

Eruditas ia debate esce la ieroglifos micmac la plu vea, de la sentenio 17, es vera un sistem de scrive, e no simple un modo de usa imajes como un aidamemoria. En la sentenio 17, la misionor franses Chrétien Le Clercq ia ajusta la imajes micmac como un sistem logografial per usa en educa.

Padre Le Clercg, un prete catolica a la Penisola Gaspe en Frans Nova de 1675, ia dise ce el ia vide alga enfantes micmac "scrive" simboles sur la cortex de betul como un aidamemoria. Esta ia es a veses fada par presa spinos de la porcospina direta en la cortex en la forma de simboles. Le Clercq ia ajusta esta simboles per scrive preas, e ia developa simboles nova cuando nesesada.

Esta sistem de scrive ia deveni popular entra la micmaces, e ia es ancora usada en la sentenio 19. Car on ave no esemplos istorial o arceolojial de esta simboles ante la ariva de Le Clercq, lo no es clar como antica la usa de glifos de aidamemoria ia es. La relata de esta simboles con la petroglifos es ance no clar.

Pierre Maillard, un otra prete catolica, en la inverno de 1737-1738 ia perfeti un sistem de ieroglifos plu sofisticada. El ia usa esta simboles per scrive formulas per la preas e respondes xef en la catecisme, afin sua seguores ta pote aprende los plu fasil. On no ave indicas direta ce Maillard ia conoseda de la labora de Le Clercq, ma la produis de Maillard es eselente car el ia resta multe obras en la lingua, cual ia continua es usada par la micmaces a la sentenio 20.

Un cuantia nonconoseda de enrolas de betul conteninte scrives micmac ia es destruida par misionores en New England, ante cuando la sistem de scrive ia es ajustada per aida converti de membros de la comunia a cristiania.

Examples

• 
  La comensa de la Prea de la Senior en ieroglifos micmac; la testo dise nujjinen wásóq ("nosa padre / en sielo")]]
• 
  La testo completa]]
• 
  La Ave Maria]]
• 
  La testo de la Rituo de Confirma; la testo dise Koqoey nakla msɨt telikaqumilálaji? (leteral, "Perce / aceles / tota / pos cual el ia fa lo a los?", o "Perce es tota esta paseos diferente nesesada?"]]
• 
  Un paje de la catecisme par Christian Kauder, 1866]]