Impero Guptan
La Impero Guptan ia es un impero de India antica, esistente de la sentenio tre media ce a 590 ce. A sua culmina, de sirca 319 a 550 ce, lo ia covre multe de la sucontinente de India. Esta periodo es nomida la Eda Oro de India par alga istoristes, an si esta descrive ia es disputada par otras. La dinastia renante de la impero ia es fundida par la re Sri Gupta. La renores la plu notable de la dinastia ia es Chandragupta un, Samdragupta, e Chandragupta du. La poesiste de sentenio sinco, Kalidasa, ia atribui a la guptas la concista de sirca 21 renas, e en e estra India, incluinte la renas de Parasikas, la Hunes, la Kamboja, tribus en la vales de la rio Oxus este e ueste, la Kinnaras, Kiratas, e otras.
La avenis notable de esta periodo ia es la developas cultural grande cual aveni en la rena de Chandragupta du. Tota fontes leteral, como Mahabharata e Ramayana, ia es santida en esta periodo. La periodo guptan ia produi eruditas como Kalidasa, Aryabhata, Varahamihira, Vishnu Sharma, e Vatsyayana, ci ia fa avansas grande en la eda. Siensa e dirije political ateni altas nova; atenis en arciteta, sculta, e depinta ia crea la modeles de arte a pos, no sola en India ma a un distante grande de sua bordas. Lias forte de comersia ia fa ance ce la rejion ia deveni un sentro importante de arte, e ia causa ce la rejion ta deveni un fonte per la developa de renas prosima en Miama, Srilanca, e Asia sude-este. La Puranas, poesias longa temprana sur un varia de sujetos ia es ance arcivida como testos scriveda en esta periodo.
La impero ia mori ultima como un resulta de multe fatores, como un perde de teritorio e autoria causada par sua propre desacordas, e par la invade de la popla hun de Asia sentral. Pos la colasa de la Impero Gupta en la sentenio ses, India ia es denova renada par multe renas rejional. Un linia minor de la clan guptan ia continua rena en Magadha pos de desintegra de la impero. Esta guptas ia es ultima ejetada par la renor Harsha, un vardhana ci ia fundi sua impero en la dui prima de la sentenio sete.