Impero Osteraic-Magiar

Impero de Osteraic e Magiar
Österreichisch-Ungarische Monarchie
Osztrák-Magyar Monarchia
Bandera de Impero de Osteraic e Magiar Österreichisch-Ungarische Monarchie Osztrák-Magyar Monarchia Scermo de Impero de Osteraic e Magiar Österreichisch-Ungarische Monarchie Osztrák-Magyar Monarchia
Imno: Gott erhalte Franz den Kaiser
(Ta ce Deo salva la Imperor Francis)
Loca de Impero de Osteraic e Magiar Österreichisch-Ungarische Monarchie Osztrák-Magyar Monarchia
Capital Wien e Budapest
Lingua(s) ofisial Deutx e magiar
Relijion(es) ofisial
Forma de governa

'
Compromete de 1867

Disolve

1 marto 1867

11 novembre 1918

Area
 - Total
 - Acua (%)
 
675 936 km² 
Popla
 - 1914 est.
 - Densidat
 
52 800 000
78/km²
Moneda Gulden (asta 1892)
Crona (1892–1918)
Parte de


La Impero Osteraic-Magiar, ance nomida la "Monarcia Duple", ia es un monarcia con constitui en Europa sentral e este entre 1867 e 1918. Lo ia es formida cuando la Impero Osteraic ia adota un constitui nova; como un resulta, Osteraic ("Cisleithania") e Magiar ("Transleithania") ia es videda como egal. La impero ia disolve cuando sua statos-membros ia proclama autonomia e autocratia pos la Gera Mundal Un.

La uni ia es instituida par la Compromete Osteraic-Magiar a 30 marto 1867 pos la Gera entre Osteraic e Prusia. Lo ia es composada de du monarcias (Osteraic e Magiar) e un rejion autonom: la rena de Corvatsca e Slovenia su la corona de Magiar, ci ia negosia la Acorda Corvatsca-Magiar en 1868. Lo ia es renada par la Casa de Habsburg, e ia es la fase final de la evolui constitual de la Monarcia Habsburg. Seguente la reformis de 1867, la statos de Osteraic e Magiar ia es egal en potia. Casos stranjer e militar ia es su supravide juntada, ma tota otra casos de governa ia es divideda entre la statos individua.

Osteraic-Magiar ia es un stato multinasional e un de la potias major de Europa de acel eda. Osteraic-Magiar ia es la teritorio du de grandia en Europa pos la Impero Rusce, con 621,538 km2, e la cuantia tre de abitores pos la Impero Rusce e la Impero Deutx. La Impero ia developa la fabricor cuatro en la mundo de macinas, pos la SUA, Deutxland, e Rena Unida. Osteraic-Magiar ia deveni ance la fabricor tre de utiles eletrica per la casa e per industria, e de la macinas per jenera potia per sentros eletrical, pos la SUA e la Impero Deutx.

Pos 1878, Bosnia e Hersegovina ia es su la controla de Osteraic-Magiar, e ia es tota juntada en 1908, cual ia stimula la crise bosnian entre la otra potias. La parte norde de la Sanjak osmanan de Novi Pazar ia es su la ocupa juntada en acel periodo, ma la armada de Osteraic-Magiar ia retrae como un parte de sua junta de Bosnia. Lo ia resulta ance en la reconose de islam como la relijio ofisial en Bosnia.

Osteraic-Magiar ia es un de la potias sentral en la Gera Mundal Un, cual ia comensa con la declara de gera par Osteraic-Magiar sur la Rena de Serbia a 28 julio 1914. Lo ia es disolveda ja par la tempo en cual la autorias militar ia sinia la sesaspara de Villa Giusti a 3 novembre 1918. La Rena de Magiar e la Republica Prima de Osteraic ia es tratada como la seguores par lege, e la autonomia de la slavicas ueste e sude de la impero ia deveni la Republica Prima de Txescoslovensca, la Republica Du de Polsca, e la Rena de Iugoslavia, e la plu de la reclamas de teritorios par la Rena de Romania ia es ance reconoseda par la potias vinsente en 1920.

Un mapa de la impero, con la etnicos variosa indicada