Imunia
En biolojia, imunia es definida como la state ecuilibrada de organismes multiselulal cual ave defendes biolojial sufisinte per combata infeta, maladia, o otra invades biolojial nondesirada, en cuando los ave tolera sufisinte per evita alerjia e maladias autoimune.
Imunia dona a organismes multiselulal la capasia de resiste microbios de entra los. Lo inclui composantes spesifada e nonspesifada. La composantes nonspesifada ata como paradores o eliminantes de un estende larga de patojenes sin regarda de sua composa antijenal. Otra composantes de la sistem de imunia ajusta se per cada maladia nova cual los encontra e pote jenera imunia spesifada per la patojen.
Un sistem de imunia pote conteni composantes inata e ajustante. La sistem inata en mamales, per esemplo, es composada de selulas primitiva de la medula de osos cual es programida per reconose materias stranjer e reata a los. La sistem ajustante es composada de selulas limfa]]l plu avansada cual es programida per reconose materias propre e no reata a los. La reata a materias stranjer es descrived como inflama, e la nonreata a materias propre es descriveda como imunia. Esta du composantes de la sistem de imunia crea un ambiente biolojial dinamica, do "sania" pote es videda como un state fisical do la organisme propre es esetada, e lo cual es stranjer es inflamante es eliminada. "Maladia" donce pote aveni cuando lo cual es stranjer no pote es eliminada, o lo cual es propre no es esetada.
Imunia inata deriva de la composa jenetica, sin un stimula esterna o un infeta presedente. Lo pote es divideda entre du tipos: Imunia inata nonspesifada, un grado de resiste jeneral a tota infetas; e un imunia inata spesifada, un resiste a sola un tipo spesifada de microbio. Donce, alga spesies o individuas, en cultiva per esemplo, no sufri de alga maladias infetosa spesifada.
Imunia ajustante pote es sudivideda entre la modo de introdui de la imunia: imunia natural, cual developa par contata acaso con un cosa cual causa un maladia, o par oteni un imunia artifisal, cual developa tra atas intendeda como vasini. E imunia natural e imunia artifisial pote es plu sudivideda entre imunia ativa e imunia pasiva. Imunia ativa es construida par la organisme mesma, e pote dura per un tempo longa. Imunia pasiva ia otenida par pasa par injeta o infusa de anticorpos o selulas T ativada, e dura tipal per alga menses.
Imunia ajustante pote ance es divideda entre tipos de medias de imunia: imunia umoral es la aspeta de imunia cual ave anticorpos secreteda como medias; imunia selulal envolve sola limfositos T. La imunia umoral es nomida ativa cuando la organisme jenera sua anticorpos, e pasiva cuando anticorpos es pasada entre individuas o spesies. Simil, imunia selulal es ativa cuando la selulas T es stimulada, e pasiva cuando la selulas T veni de un otra organisme.
