Interlingua (gramatica)

Vide ance la article jeneral de interlingua

Spele edita

La vocales en interlingua es pronunsiada como en espaniol o elefen. La consonantes es pronunsiada, per la plu parte, como en engles o elefen.

Interlingua reteni multe de la spele de parolas de latina, plu prosima a la formas en engles e franses ca los en la otra linguas romanica. Per esemplo, el reteni q ([k]), y ([i]), ch ([k]), ph ([f]), rh ([r]), e th ([t]). El reteni ance la usa comun de consonantes duple. Plu, el permete varias como ch per [ʃ], s entre vocales como [z], c ante e/i como [ts], g ante e/i como [ʒ], qu ante e/i como [k], etc.

Asentua no es indicada, an en esetas, ma el segue, per la plu parte, un sistem de regulas simil a el de elefen.

Spele coladal edita

Interlingua ave ance un spele "collateral" (coladal), cual simpli la complicas a supra a un sistem plu como lo de elefen. Esta spele coladal ave la mesma prestijia, ma en realia lo no es multe usada par aderores. La detalias:

  1. leteras duple es simplida, esetante ss, pe ecclesia > eclesia, adducer > aducer, interrogar > interogar.
  2. y vocal deveni i, pe tyranno > tirano.
  3. ph deveni f, pe phonetic > fonetic.
  4. ch, cuando pronunsiada como k, deveni c, esetante ante e o i, pe christo > cristo.
  5. rh e th deveni r e t, pe rhetoric > retoric, pathetic > patetic.
  6. g e gi, cuando pronunsiada como elefen j, deveni j, pe sage > saje, sagio > sajo.
  7. -isar e derivas deveni -izar, pe civilisar > civilizar.
  8. -te deveni -t, estra cuando la asentua es a la silaba tre de la fini, pe animate > animat.
  9. -nne, -lle, e -rre deveni -n, -l, e -r, pe perenne > peren, belle > bel, bizarre > bizar.

Articles edita

  • un - un
  • le - la
  • al - a la
  • del - de la

Nomes edita

La plural es -s pos un vocal, -es pos un consonante, ma -hes pos c final:

  • catto > cattos - gato > gatos
  • can > canes - can > canes
  • roc > roches - tore > tores (de xace)

Interlingua no ave seso gramatica. Alga parolas distingui fema de mas par cambia -o a -a, o par ajunta -essa. Otras ave du formas diferente. Ma la plu de parolas no distingui:

  • puero > puera - xico > xica
  • tigre > tigressa - tigre mas > tigre fema
  • rege > regina - re > rea
  • jornaliste - jornaliste (mas o fema)

Ajetivos edita

Ajetivos no cambia per acorda con nomes. Los pote presede o segue la nom, esetante numeros, cual presede sempre la nom. Jeneral, ajetivos corta presede e ajetivos longa segue.

  • belle oculos = oculos belle - oios bela
  • un bon idea, un idea ingeniose - un bon idea, un idea injenios

Per compara, usa plus o minus e le plus o le minus:

  • un plus feroce leon - un leon plu ferose
  • un traino minus rapide - un tren min rapida
  • le plus alte arbore - la arbor la plu alta
  • le solution le minus costose - la solve la min cara

On pote usa la sufisa -issime per la superlativa asoluta:

  • un aventura excellentissime - un aventura masima eselente

La ajetivas bon, mal, magne (grande), e parve (peti) ave formas nonormal elejable:

bon → plus bon → le plus bon   o   bon → melior → optime
mal → plus mal → le plus mal   o   mal → pejor → pessime
magne → plus magne → le plus magne   o   magne → major → maxime
parve → plus parve → le plus parve   o   parve → minor → minime

Averbos edita

On ave du spesies de averbos: forma prima e forma du. Averbos de forma prima es un clasa cluida de parolas gramatica, como quasi (cuasi), jam (ja), e totevia (an tal). Averbos de forma du es es un clasa abrida derivada de ajetivos par ajunta la sufisa -mente (o -amente pos c final):

  • felice > felicemente - felis
  • magic > magicamente - majial

Alga averbos comun ave formas corta elejable cual fini con -o:

  • sol > solmente > solo - sola

Como ajetivos, averbos usa plus, minus, le plus, e le minus:

  • Illa canta plus bellemente que illa parla - El canta plu bel ca el parla
  • Le gepardo curre le plus rapidemente de omne animales - La gepardo core la plu rapida de tota animales

La averbos de bon e mal ave formas nonormal elejable:

bonmente → plus bonmente → le plus bonmente   o   ben → plus ben → le plus ben   o   ben → melio → optimo
malmente → plus malmente→ le plus malmente   o   mal → plus mal → le plus mal   o   mal → pejo → pessimo

Pronomes edita

Pronomes personal edita

singular plural
person seso sujeto con preposa ojeto refletante posese sujeto con preposa ojeto refletante posese
1 io me mi, mie nos nostre
2 tu te tu, tue vos vostre
3 mas ille le se su, sue illes les se lor, lore
fema illa la illas las
cosa illo lo illos los

Compara esta con la pronomes personal de elefen:

singular plural
person seso sujeto e ojeto refletante posese sujeto e ojeto refletante posese
1 me mea nos nosa
2 tu tua vos vosa
3 mas e fema el se sua los se sua
cosa lo

On pote usa la forma ojetal per la ojeta direta e la ojeta nondireta. O, on pote usa la preposada a ante la pronom per la ojeta nondireta:

  • Le caffe es excellente: proba lo! - La cafe es eselente - proba lo!
  • Dice me le conto; dice me lo (Dice le conto a me...) - Dise la nara a me; dise lo a me.

La pronomes refletante es usada cuando la sujeto de la verbo es la mesma como la ojeto (direta o nondireta). Como en la linguas romanica, la refletante es usada multe plu ca en elefen o engles:

  • Deo adjuta les, qui se adjuta - Dio aida los ci aida se mesma
  • Io me sibila un melodia - Me sibila un melodia a me mesma
  • Tu te rasava? - Tu ia rasa tu?
  • Francese se parla in Francia - Franses es parlada en Frans; On parla franses en Frans

Regardante la formas de posese, la formas plu longa es usada en construis como le auto es le mie - la auto es de me. Ma on pote usa el ance como ajetivos plu forte ce la formas corta:

  • alicun amicos mie - alga amis de me
  • Matre mie! Es un picante bolla de carne! - Madre mea! Esta es un bal de carne multe spisosa!

Multe parlores usa vos en loca de tu per cortesia en situas formal:

  • Esque vos passava un viage placente, Seniora Chan? - Esce tu ia ave un viaja plasente, seniora Chan?
  • Aperi vostre valise, Senior - Abri tua valis, Senior

Usa illes per grupos de persones con ambos omes e femes. Illas pote es usada per grupos de sola femes.

Pronomes nonpersonal edita

Il es un pronom nonpersonal per usa en construis como il pluve (pluve). Il pote ance es usada como un locateninte cuando la sujeto vera es un proposa cual aveni plu tarde en la frase.

  • Il deveni tarde - Lo deveni tarde
  • Il es ver que nos expende multe moneta - Lo es vera ce nos spende multe mone
  • Es bon que vos veni ora - Lo es bon ce tu veni aora

On es la pronom usada cuando la identia de la sujeto no es clar. La forma per ojetos es uno:

  • On non vide tal cosas actualmente - On no vide tal cosas oji
  • On sape nunquam lo que evenira - On sabe nunca lo cual va aveni
  • On construe un nove linea de metro al centro urban - On construi un linea nova de la metro a la site sentral
  • On collige le recyclabiles omne venerdi - On colie la resiclables a cada venerdi
  • Tal pensatas afflige uno in le profundo del depression - Tal pensas dole on en la profundia de depresa

Pronomes de mostra edita

pronomes de mostra
rol numero seso prosima distante
ajetivo iste ille
pronom singular mas iste (ille)
fema ista (illa)
cosa isto (illo)
plural mas istes (illes)
fema istas (illas)
cosa istos (illos)

La formas major es la ajetivo iste e la pronome iste, ista, e isto, cual pote es pluralida. Cuando la sujeto de un frase ave du presedentes posable, iste refere a la presedente du.

  • Iste vino es pessime - esta vino es multe mal
  • Isto es un bon idea - esta es un bon idea
  • Janet accompaniava su soror al galleria... - Janet ia acompania sua sore a la galeria...
    • (a) Illa es un artista notabile - El (Janet) es un artiste notable
    • (b) Ista es un artista notabile - El (la sore) es un artiste notable

La ajetivo de distantia es ille. La pronomes es la mesma como la pronomes personal.

  • Io cognosce ille viro; ille se appella Smith - Me conose acel om; sua nom es Smith
  • Illo es un obra magnific - Acel es un obra gloriosa

Pronomes de relata e demanda edita

La pronomes de relata per persones e animales es qui (sujeto e pos preposadas) e que (ojeto):

  • Nos vole un contabile qui sape contar - Nos desira un contor ci sabe conta
  • Nos vole un contabile super qui nos pote contar - Nos desira un contor de ci nos pote depende
  • Nos vole un contabile que le policia non perseque - Nos desira un contor ci la polis no xasa

La pronom de relata per cosas es que per tota usas:

Il ha duo sortas de inventiones: illos que on discoperi e illos que discoperi uno - Nos ave du spesies de inventas: los cual nos descovre e los cual descovre nos

Cuje - "de ci" o "de cual" - es usada per persones e cosas:

  • un autor cuje libros se vende in milliones - un autor de ci sua libros es vendeda par la miliones
  • un insula cuje mysterios resta irresolvite - un isola de cual sua misterios resta nonsolveda

Tota de los a supra pote es sustituida par le qual o le quales:

  • Mi scriptorio esseva in disordine – le qual, nota ben, es su stato normal - mea buro ia es desordinada - cual, nota bon, es sua stato normal
  • Duo cosinos remote, del quales io sape nihil, veni visitar - du cusines distante, de ci me conose no cosa, veni per visita

La pronomes de relata es ance usada como pronomes de demanda.

Verbos edita

La formas plu comun de verbos es estas (nota ce la esetas es en leteras apoiada):

fini -ar -er -ir
infinitivo -r parlar vider audir
presente - parla vide audi
pasada -va parlava videva audiva
futur -ra parlara videra audira
ipotesal -rea parlarea viderea audirea
partisipio ativa -(e)nte parlante vidente audiente
partisipio pasiva -te parlate vidite audite

La verbos no varia per persones e pluralia, estra per varias elejable per esser. La tempos normal es usada per la sujuntiva e la comanda. Esse, habe, e vade ave formas corta per la presente: es, ha, e va.

Infinitivos edita

Infinitivos es usada per ambos la infinitivo e la jerundio, e pote es pluralida si nesesada:

  • Cognoscer nos es amar nos - conose nos es ama nos
  • Il es difficile determinar su strategia - lo es difisil determina sua stratejia
  • Illes time le venir del locustas - los teme la veni de la locustas
  • Le faceres de illa evocava un admiration general - sua fadas ia evoca un amira jeneral

Tempos simple edita

On ave tre tempos simple - pasada, presente, e futur. Los es usada per ambos la perfeta (completida) e la nonperfeta, e per ambos la perfetiva e la nonperfetiva (continuante):

  • Io ama mangos; io mangia un justo ora - Me ama mangos; me come un de los aora
  • Mi auto es vetere e ha multe defectos: naturalmente illo va mal! - Mea auto es vea e lo ave multe defetas; natural lo vade mal!
  • Io vos diceva repetitemente: le hospites jam comenciava partir quando le casa se incendiava - Me ia dise repetante a tu: la visitores ia comensa ja parti cuando la casa comensa arde
  • Nos volara de hic venerdi vespere, e sabbato postmeridie nos prendera le sol al plagia in Santorini - Nos va vola de asi a la sera de venerdi, e pos mediadia de saturdi nos va bani su sol a la plaia en Santorini
  • Si ille faceva un melior reclamo, ille venderea le duple - Si el ia fa anunsias plu bon, el ta vende duple

Partisipios edita

La partisipios en interlingua es noncoerente: verbos en -ir usa -iente per la partisipio ativa, e verbos en -er usa -ite per la partisipio pasiva. Otra verbos usa -nte e -te:

  • un corvo parlante - un corvo parlante
  • Approximante le station, io sentiva un apprehension terribile - prosiminte la stasion, me ia senti un ansia asustante
  • un conto ben contate - un nara bon narada

Tempos composada edita

En loca de la tempos simple, on pote usa formas composada. Per la pasada, on pota usa ha e otra formas de habe, con la partisipio pasada:

  • Le imperio ha cadite - La imperio ia cade

Per la futur, usa va e otra formas de vade, con la infinitivo:

  • Io va retornar - Me va retorna

Usada rara, velle con la infinitivo es la ipotesal composada:

  • Io velle preferer facer lo sol - Me ta prefere fa lo sin aida

La pasiva es formada par usa es o otra formas de esser con la partisipio pasiva:

  • Iste salsicias es fabricate per experte salsicieros - esta salsixes es fada par salsixores esperta

La pasiva en la pasada perfeta es creada par usa habeva essite con la partisipio pasiva:

  • Nostre planeta habeva essite surveliate durante multe annos - Nosa planeta ia es oservada per multe anios

Otra formas edita

Asi es esemplos de formas variosa de comandas:

  • Face lo ora! - Fa lo aora!
  • Le imperatrice desira que ille attende su mandato - La imperoresa desira ce el atende sua comanda
  • Va tu retro al campo; resta vos alteros hic - Tu debe revade a la campo; la resta de vos debe sta asi
  • Cliccar hic - Clica asi
  • Que tu va via! - Vade a via!
  • Que illes mangia le brioche - Ta ce los come tortas
  • Que nos resta hic ancora un die / Vamos restar hic ancora un die - Ta ce nos resta asi ancora per un plu dia

Sia es la forma de demanda e la sujuntiva de esser:

  • Sia caute! - Es cauta!
  • Sia ille vive o sia ille morte... - Si el vive o si el es mor...
  • Que lor vita insimul sia felice! - Ta ce sua vive con lunlotra es felis!

Varias elejable de esser edita

Car la verbo esser es nonormal en multe linguas european, interlingua permete la usa de varias:

  • es - presente
  • sia - comanda e sujuntiva
  • era - pasada
  • sera - futur
  • serea - ipotesal

Alga persones usa ance esta formas de esser en la tempo presente:

  • son - plural
  • me so, nos somos (multe rara)

Verbos con du radises edita

Car interlingua es un lingua "neolatina", el reteni alga de la radises duple de latina ce survive en la linguas romanica e engles. Per esemplo:

  • sentir ("senti") > sentimento, sensor
  • repeller ("repulsa") > repellente, repulsive
  • ager ("ata") > agente, actor

Multe parlores de interlingua prefere la usa de la forma plu reconosable en vocabula internasional, e lasa la otra cade.

Sintatica edita

La ordina normal de parolas en interlingua es sujeto-verbo-ojeto, ma on pote usa otra ordinas si la sinifia es clar:

  • Ille reface horologios - El repara orolojos
  • Amandolos ama io tanto, io comprava un amandoliera - Me ama amandas tan multe ce me ia compra un bosce de amandos

Ma pronomes tende segue la ordina de la linguas romanica - sujeto-ojeto-verbo - esetante per infinitivos e comandas, cual ave la ojeto pos la verbo:

  • Ille los reface - El repara los
  • Nos vole obtener lo - Nos vole oteni lo.
  • Jecta lo via! - Jeta lo a via!

Si du pronomes - un la ojeto direta e un la ojeto nondireta - aveni con la mesma verbo, la ojeto nondireta vade prima:

  • Io les lo inviava per avion - Me ia envia lo a los par avion
  • Io la los inviava per nave - Me ia envia los a el par barcon

Demandas edita

On pote formi demandas en multe modos:

1. Par pone la verbo ante la sujeto:

  • Ha ille arrivate? - El ia ariva?
  • Cognosce tu ben Barcelona? - Tu conose bon Barselona?
  • Te place le filmes de Quentin Tarantino? - Tu gusta la filmas par Quentin Tarantino?

2. Par usa un parola de demanda en loca de la sujeto:

  • Qui ha dicite isto? - Ci ia dise esta?
  • Que cadeva super te? Un incude? - Cual ia cade sur tu? Un inco?

3. Par ajunta la paroleta esque (o, plu rara, an) a la comensa de la frase:

  • Esque illa vermente lassava su fortuna a su catto? - Esce el ia lasa sua propria a sua gato?

4. Par cambia la tono de la frase, o par ajunta un sinia de demanda, sin cambia la ordina normal:

  • Tu jam ha finite tu labores? - Tu ia fini ja tu labora?

Referes edita

  • Gode, Alexander, and Hugh E. Blair. Interlingua: a grammar of the international language. Storm Publishers, New York, 1951.