Istoria de Provinse Soria

La Provinse Soria es situada en la area este de la comunia autonom de Castelia e Leon. Lo limita con la provinses Burgos e Segovia a este, con Rioja a norde, con la Provinse Zaragoza a este, e con la Provinse Guadalajara a sude. Oji lo es un de la provinses la min poplida e la plu povre de Espania.

Preistoria

Las Covatillas, un de la depintas de cavas de Valonsadero.

Article xef: Depintas de cavas de Valonsadero

En la provinse on trova restas arceolojial de multe valua, entre cual on nota la depintas de cavas. On ave 18, e on nota spesial los de Valonsadero. Otra depintas de cavas es:

• Cueva Maja (Cabrejas del Pinar, Soria)
• La Peña de los Plantíos (Fuentetoba, Soria)
• Prado de Santa María (Pedrajas, Soria)
• Cueva Grande y Cueva Larga (Oteruelos, Soria)
• Langosto (Langosto, Soria)
• Canos (Sierra del Almuerzo, Soria)
• Conjunto de Monte Valonsadero (Soria)
• Cueva Conejos (Ucero, Soria)
• Cueva Mayor y Cueva Menor de San Bartolomé (Ucero, Soria)
• Cueva de Covarrubias (Ciria, Soria)
• Yacimiento de Barranco Hondo (Villalba, Soria)
• Cueva de la Santa Cruz (Conquezuela, Soria)
• Manzanares-Tiermes (Soria)
• Sotillos/Barranco de la Mata (Sotillos de Caracena- Cuevas de Ayllón, Soria)
• Conjunto de Retortillo (Retortillo de Soria,Soria)
• Valvenedizo/Prados del Arenal (Valvenedizo, Soria)
• Castro/Las Cuevas (Castro, Soria)
• Abrigo del Este y Abrigo del Oeste (Cuevas de Ayllón, Ligos, Soria).

En esta depintas de Valonsadero la figures xef cual apare es de umanas e boves. La depintas es divideda en 11 stasiones, cual es: Las Covatillas (1), el Covachón del Puntal (2), la Lastra (3), el Mirador (4), Peña Somera (5), Peñón de la Visera (6), Covacha del Morro (7), Peñón del Majuelo (8) y los Peñascales I, II y III (9,10 y 11).

Du de la locas arceolojial la plu importante es Torralba e Ambrona, de 350 000 anios aa. Asi on trova restas de elefantes e cavalos.

Anticia

Celtiberia

Articles xef: Numantia, Uxama, Tiermes, e Vileta roman de La Dehesa

En la Eda de Fero, la provinse ia es un parte de Celtiberia, un teritorio en cual la celtiberianes ia abita, regardada como celta. Esta cultur ia lasa en la provinse restas arceolojial de multe importa como Numantia, Uxama (Osma) o Termantia (Tiermes) e la atas eroin como lo de Numantia.

Numantia es situada en La Muela de Garray, e es conoseda per resiste la aseja de la romanes gidada par Publio Cornelio Scipio Emiliano en 133 aec. Los ia prefere suiside ca sede a sua enemis. Sua abitores prima ia ocupa lo en la Eda de Bronze (entre 1800 aec e 1700 aec). En 153 aec on ave la lutas prima contra la romanes cuando sua abitores ia vade per aida la abitores de Segeda contra la armada de 30 000 omes de Quinto Fulvio Nobilior, ci ia vinse los. Pos 20 anios de atacas roman, la Senato ia envia en 134 aec Publio Cornelio Scipio Emiliano per destrui la site. El ia aseja lo e pos des-tre menses de famia e maladias, sin comables, la numantianes ia fini suisidente.

La site de Tiermes ia es ocupada de la Eda de Bronze, cual mostra ce la site ia es continuante ocupada per 20 sentenios, asta la sentenio 16. La site ia es concistada par Tito Didio en la anio 98 aec.

Uxama ia luta contra la romanes en la geras celtiberian (153–133 aec). Lo ia es concistada en 99 aec. Plu tarda, lo ia suporta Quinto Sertorio contra la urbe roman e per esta ia es destruida par Pompeio la Grande en 72 aec, an si lo ia es reconstruida a pos.

• 
  Numantia
• 
  Tiermes
• 
  Uxama

Vascones

On ave en Soria, xef en la zona norde, plu ca 200 toponimes euscara, cual mostra un presentia de la vascones en la zona. Alga de esta toponimes es Urbión, Narros, Garray e Larralde.

Romanes

Arco roman de Medinaceli.

Pos la geras de concista e la prosede de romani, la provinse ia aparteni a la Conventus Cluniensis de la provinse roman de Tarraconensis. De esta periodo on nota la sites de Numantia, Termantia e Ocilis (Medinaceli).

En Cuevas de Soria on ave la restas de un vileta roman. Lo ave 4000 m² de surfas. On ave ance la vileta roman de Los Villares.

En Medinaceli on pote vide la arco roman, la sola de esta tipo cual esiste en Espania. Construida en la sentenio 1 ec, lo ave tre arcos e ia separa du provinses roman.

Eda medieval

• Batalla de San Esteban de Gormaz - 917, 919, 920, 978, 1054, 1060
• Batalla de Calatañazor - 1002
• Batalia de Araviana - 22 setembre 1359
• Batalia de Torrevicente - 9 julio 981

Eda contempora

Gera de nondepende espaniol

La provinse Soria ia ave 33 militias provinsial creada en 1734. La Primer Batallón de Voluntarios Numantinos ia es construida usante esta militias, e lo ia dirije a El Burgo de Osma. En novembre la Regimiento de Dragones "Numancia" ia es instituida.

Escucha Napoleón,
Si como fiel aliado,
tus tropas has enviado,
Hallarás en la nación
Amistad y buena unión;
Si otro objeto te guió,
Numancia no se rindió,
Numantinos hallarás,
En España reinarás,
Pero sobre españoles no.

​

La Corpo de armada de la Marexal Ney (32 400 omes) ia avansa tra Soria en dirije a Agreda, Tarazona e Tudela. Ney ia avansa de Aranda de Duero e Gumiel de Hizan, concistante San Esteban de Gormaz (19 novembre) e El Burgo de Osma (20 novembre). En cuando esta aveni, la jeneral Dessolles (10 000 omes) ia concista Calatañazor, Ney concista Almazán (21 novembre). Ambos ia vade a Soria, concistante lo la 22 novembre.

• Batalia de Osonilla.
• Batalia de Costalago, ance nomida "batalla o emboscada de Hontoria del Pinar"

La gera de nondepende sinifia la comensa de la declina de la provinse, ci ia es un potensia regardante la manadas de bestias e ia perde sua loca en la economia nasional.

La provinse ia es usada como la graneria de la soldatos nasional e franses, con sua benes esente furada par la soldatos. En 1832 la provinse ave 500 000 oveas cuando a fini de la sentenio 18 on ia ave entre 780 0000 880 000.

Ance, a fini de la sentenio 18 on ia ave 330 texadores e, pos la gera, pico plu de 80.

Bibliografia

• (es) Soria en la pasada. Eda medieval