Istoria de nederlandes

Nederlandes es un lingua germanica ueste parlada en Nederland, Beljia e Suriname.

La francos en la anio 475.

Orijina

Nederlandes moderna desende de la nederlandes media cual es un lingua germanica ueste como deutx moderna, frisce e engles. La linguas germanica ueste es un colie de varias cual veni de la pregermanica cisa parlada en la sentenio 5 en Europa norde e Scandinavia.

Eda medieval

La impero carolingian.

De la sentenio 3, alga poplas germanica ia comensa migra a la sude, e la francos ia coloni la norde-ueste de Europa ueste. Esta francos ia parla linguas germanica ueste diversa. On no sabe esce la francos ia parla la mesma varias. Un de estas ia es la asendente de la nederlandes antica. Sola en la norde de la impero franco la lingua germanica ia survive (la otra francos ia comensa parla un otra lingua cual ia es la asendente de franses antica).

La nederlandes media no ia es omojen ma un colie de dialetos comprendable entre los, parlada entre la sentenios 12 e 16. De la sentenio 16 un forma plu o min normida de nederlandes moderna ia nase, cual ia es parlada en junta con otra varias rejional como la limburgan.

Eda moderna

La Provinses Unida de Nederland, en orania la domina e la Habsburg, en violeta la Prinsia de Liege e en majenta la prinsia de Stavelot-Malmedy.

La sinco varias european de nederlandes.

De la sentenio 16, un prosede de normi ia crea un lingua nasional de la dialetos diferente. La limburgan ia ave un evolui diferente. La nederlandes moderna ia deveni un lingua de prestijia en la provinses unida de Nederland. De 1581 la separa de la provinses unida de Nederland como republica autonom e separada de Nederland espaniol, su la controla de la Habsburg, ia divide nederlandes, separante an plu la dialetos norde e sude.

La coloni nederlandes de Africa sude de la sentenio 17 ia porta la nederlandes ala. La varias nederlandes ia separa de la nederlandes normida e ia deveni conoseda como africans, cual conserva multa anticines de la nederlandes an si lo ia ave ance multe cambias morfolojial.

Pronomes

La pronomes personal en nederlandes media es:

	Singular					Plural
	1ª	2ª	3ª			1ª	2ª	3ª
			Masc.	Fem.	Neut.
Nominativa	ic	du	hi	si	het	wi	ghi	si
Acusativa	mi	di	hem/hen/'n	haer/se	het/'t	ons	u	hem/hen/'n
Dativa				haer	hem
Jenitiva	mijns	dijns	sijns	harer	'es	onser	uwer	haer/'re

Ortografia

La ortografia nederlandes ia es ofisial fundida en 1863, e ia es introduida en Beljia en 1864 e en Nederland en 1883. Conoseda como la ortografia de De Vries e Te Winkel, lo ia es cambiada a alga veses:

Scema de la ortografia diferente en Nederland, Beljia, Surinam e Africa Sude.

• 1946 (Beljia)
• 1947 (Nederland)
• 1996 (en Flandre e Nederland tra la Uni de la Lingua Nederlandes)
• 1 agosto 2006 (Flandre e Nederland).