Abri la menu xef

La istoriografia roman debe multe a la elinicas, ci ia inventa la jenero. La romanes ia ave grande modeles sur cual los pote fundi sua obras, como Herodoto (s 484-415 aec) e Tucidide (s 460-s395 aec). An tal, la formas istorial roman es diferente de la elinicas, e parla sur consernas roman. Nonsimil a la elinicas, la istoriografia roman no ia comensa con un tradision istorial parlada. La stilo roman de istoriografia es fundida en la forma en cual la Anales de la Pontifex Maximus, o la Annales Maximi, ia es rejistrada. La Annales Maximi inclui un estende larga de informa, incluinte documentos relijial, nomes de consules, moris de pretes, e desastres diversa tra la istoria. Ance un parte de la Annales Maximi es la Tabulae Albatae, cual ave informa sur la orijina de la republica.

Contenida

IstoriaEdita

FundiEdita

La comensor la plu conoseda de la istoriografia roman ia es Quintus Fabius Pictor, ance conoseda como "Fundor de la Istoriografia". Ante la Gera Punica Du, on ia no ave istoriografia en Roma, ma a pos, lo ia es nesesada per onora la aveni. Quintus Fabius Pictor ia comensa scrive un istoria de Roma en elinica, no en latina. Esta eleje de scrive sur la gera en elinica ia veni de la nesesa de dirije se a la elinicas e oposa un otra autor, Timeo, ci ance ia scrive un istoria de Roma asta la Gera Punica Du, con un vide negativa de Roma. Donce, en defende de la stato roman, Quintus Fabius Pictor ia scrive en elinica, usante la metodo de dati de la Olimpiadas e un stilo eliniste. La stilo de scrive istoria de Quintus Fabius Pictor defendente la stato roman e sua atas, e usante propaganda, ia deveni a fini tipal de la istoriografia roman.

Istoristes xefEdita

Julio CesarEdita

Julio Cesar ia nase en 12 julio 100 aec en un familia aristocrata. Como om joven, el ia reseta la posto de Flamen Dialis par sua padre par sposi, Cornelius Cinna. Cuando esta posto ia es eliminada par Sulla, Cesar ia resta un desenio en Asia, ganiante un reputa grande en la militar. Pos sua reveni de Asia, el ia es elejeda a tribunus militium e ia reseta la titulo de pontifex. En sua tempo en esta ofisia, Cesar ia amini Pompeio e Craso, la du omes con ci el va formi la Truple Prima. Con la paso de la anios, la reconose de la talento political, militar e de parla de Cesar ia crese e ia gania la ofisias de praetor e consul. Pos sua consulia, Cesar ia gania controla de la provinses de Ilirico e Galia Sisalpina e Transalpina. En 58 aec, problemes ia apare en la provinses galo, comensante un de la geras la plu importante de la carera de Cesar.

Sur la gera de Galia (De Bello Gallico en latina) es la raconta de Cesar sur la Gera de Galia. En la periodo de la geras, Cesar ia reseta multe criticas de Roma. Sur la gera de Galia es un responde a acel criticas, e un forma de Cesar per justi acel geras. Sua razona es ce la geras ia es justa e relijiosa, e ce el e sua armada ia ataca Galia como autodefende. La helvetianes ia es migrante de acel provinses. Cuando un grupo de aliadas visina ia vade a Cesar per demanda per aida contra la helvetianes invadente, esta ia es la sola justi cual Cesar ia nesesa per reuni sua armada. Creante un nara cual presenta el mesma como un eroe militar merveliosa, Cesar ia pote clari la dutas sur sua capasia como gidor.

An si lo es clar ce Cesar ia usa esta nara per sua propre benefica, on no pote dise ce Sur la gera de Galia es intera nonfidable. Multe de la vinses cual Cesar ia scrive ia aveni vera. El ia pote cambia detalias plu peti, an tal, e la eleje de parolas fa ce la lejor deveni plu simpatiosa a la causa de Cesar. Sur la gera de Galia es un esemplo eselente de la forma en cual la renaras de avenis pote labora per benefica un person. Per esta causa, Sur la gera de Galia es videda como un comenta, en loca de un istoriografia.

BibliografiaEdita

  • Cooley, Alison E. Introduction. The Annals of Imperial Rome. By Tacitus. Trans. Alfred John Church and William Jackson Brodribb. New York: Barnes & Noble, 2007.
  • Daugherty, Gregory N. Lecture. Randolph-Macon College. 25 September 2007.
  • Daugherty, Gregory N. Lecture. Randolph-Macon College. 18 October 2007.
  • Eckstein, Arthur M. Moral Vision in the Histories of Polybius. Berkeley: University of California Press, 1995. reviewed by Craige Champion, Allegheny College.
  • Ewan, Colin. Caesar: De Bello Gallico 1. London: Bristol Classical Press, 2002.
  • Gould, H.E. and Whiteley, J.L. Livy: Book 1. 9th ed. London: Bristol Classical Press, 2001.
  • Hadas-Lebel, Mireille. Translated by Richard Miller. Flavius, Josephus: Eyewitness to Rome's First Century Conquest of Judea. New York: Macmillan Publishing Company, 1993.
  • Hornblower, Simon and Spawforth, Antony. The Oxford Classical Dictionary. (Third Edition) New York: Oxford University Press, 1996.
  • McGushin, Patrick. Sallust: Bellum Catilinae. 3rd ed. London: Bristol Classical Press, 1995.
  • Mehl, Andreas. Roman Historiography: An Introduction to its Basic Aspects and Development. Translated by Hans-Friedrich Mueller. Malden, MA: Wiley-Blackwell Publishing, 2011.
  • Miller, N.P. Tacitus: Annals 1. London: Bristol Classical Press, 1992.
  • Polybius. The Histories I. Trans. W. R. Paton. Cambridge, Massachusetts: Harvard University Press, 1967.
  • Sacks, Kenneth. Diodorus Siculus and the First Century. Princeton University Press, 1990.
  • Usher, Stephen. Historians of Greece and Rome. Duckworth Publishers, 2001.