Jaipur

Jaipur es la site capital e la site la plu grande de la stato indian de Rajasthan. Per 2011, la site ia ave 3.1 milion abitantes, cual fa ce los es la site con la plu abitantes en India. Lo es locada 268 km de la capital nasional Delhi Nova.

Jaipur ia es fundida en 1727 par la renor rajput Jai Singh 2, la reno de Amer, per ci la site es nomida. Lo ia es un de la sites desiniada la plu temprana de India moderna, desiniada par Vidyadhar Bhattacharya. En la periodo de la rena brites, la site ia servi como la capital de la Stato Jaipur. Pos la autonomia de India en 1947, Jaipur ia es nomida la capital de la stato nova creada de Rajasthan.

En la rena de Sawai Ram Singh 1, la site ia es pintida ros per bonveni la prinse de Cimri, Albert Edward (ci plu tarda ia deveni Re Edward 7, Imperor de India) en 1876. Multe de la stradas resta pintida en ros, donante Jaipur un apare distinguinte, e la nometa "la site ros".

Jaipur es un destina popular de turistes en India, e formi un parte de la "Triangulo de Oro" per turistes con Delhi e Agra. Lo servi ance como la porton a otra destinas de turistes en Rajasthan como Jodhpur, Jaisalmer, Udaipur, Kota, e Monte Abu.

A 6 julio 2019, la Comite de Erita Mundal de UNESCO ia nomi Jaipur, la "Site Ros de India", entre sua locas de erita mundal. La site es ance la loca de la locas de erita mundal, la [[Fortres Amber] e Jantar Mantar.

La Museo Albert Hall en Jaipur
Hawa Mahal, la palasio de ventes
Jal Mahal, la palasio de acua
La Palas de Site, Jaipur
Fortres Amber
Jantar Mantar, la orojolo grande de sol
Fortres Jaigarh
Galtaji, la templo de acua