Jenoveva de Brabant

Jenoveva de Brabant es la eroe de un lejenda medieval. Sua nara es un esemplo tipal de un sposa pur ci es falsa acusada e despetada, tipal a la atesta de un corteor rejetada. El ia es conoseda como la sposa de un om de corte Siegfried de Trier, e ia es falsa acusada par la manejor de casa, Golo. Condenada a mori, el ia es salvada par la esecutor e ia vive per ses anios con sua fio en un cava en la Ardenne, nurida par un servo fema. Siegfried, ci ia descovre la tradi par Golo, ia es xasante la servo cuando el ia trova Jenoveva en sua asconderia, e restora sua onora.

Jenoveva en la cava, par Leopold August Venus Waldlandschaft (1886)

Sua nara es posible fundida sur la istoria de Marie de Brabant, sposa de Luis 2, duxe de Baiern. Marie ia es suspetada de nonfidosia e litigada par sua sposo, declarada culpable e destetida a 18 janero 1256. Cuando la desida ia es mostrada como un era, Luis ia debe espia per la mata. La cambia de la nom de Marie a Jenoveva pote es trasada a la culto de San Jenoveva, la santa padronal de Paris.

La nara ia oteni popularia vasta en L'Innocence reconnue, ou vie de Sainte Genevieve de Brabant ("La inosente reconoseda, o vive de San Jenoveva de Brabant", 1638) par la jesuita René de Cerisiers, e ia es un sujeto frecuente per presentas teatral.