Karnöffel
Karnöffel es un jua de prende trucos cual probable deriva de la area en Europa de deutx alta en la cuatri prima de la sentenio 15. Lo es notada prima en un proclama munisipal de Nördlingen, Baiern, en 1426 entre la juas cual ia pote es legal juada a la festa anial de la site. Donce, la jua es la jua de cartes european e identifiable en la istoria de cartes asta la presente.
La refere confirmable la plu vea es un poesia par Hans Meißner, scriveda a o ante 1450. Curiosa, en la eda medieval, la parola karnöffel ia sinifia ance un ernia inguinal.
Karnöffel ia ave un familia en cual alga cartes ia ave un considera plu alta ca cartes en otra familias, cual sujeste ce lo ia pote es un presedente a la familia trumfo en taroci. Karnöffel usa un paceta de 48 cartes, car ases ia es sutraeda de pacetas deutx e suiz en la sentenios 14 o 15 temprana. An si la jua ia es orijinal juada con la pacetas deutx, sua desendentes presente es juada con cartes suiz o franses.
Un desendente de karnöffel usante cartes suiz es ancora juada sirca Stans e la vale Engelberg en Suiz su la nom kaisern, kaiserspiel, o kaiserjass (no relatada a jass). Lo ia es ance juada oji con cartes franses como knüffeln (la "jua naisional" de Frisia), struivolt (juada en la isolas Faroe), e brus o bräus (juada en Gotland).
Karnoffel es un jua de du ecipos de du juores ci senta ultra lunlotra. Lo usa un paceta de 48 cartes con esta ordina: re, ober (teninte), unter (suteninte), 10, 9 , 8, 7, 6, 5, 4, 3, 2.
La distribuor prima distribui sinco cartes a cada juor, un en un ves. La carte prima es poneda fasante a alta ante la juor prim, e la otra cuatro cartes resta fasante a basa. La carte la plu peti deveni la trumfo per la distribui. La turnos segue la orolojia. Alora, la juores prende sua cartes. la juor a la sinistra de la distribuor comensa con la prima truco. On ave no obliga per segue la familia. La juor con la carte la plu alta de la familia gania la truco.
Esta continua asta un ecipo ia gania tre trucos e donce ia gania la distribui. Juores pote discute en la jua. La juor ci ia introdui la truco prima deveni la distribuor seguente.
La cualia la plu notable de karnoffel es ce esta ordina es bon per tre de la cuatro familias de cartes, lo no aplica a la trumfo:
| 1 | Trumfo unter | Karnöffel* |
| (2) | Trumfo 7 | Teufel, Böse 7 (diablo)** |
| 3 | Trumfo 6 | Papst (pape)* |
| 4 | Trumfo 2 | Kaiser, Hochköng (imperor)* |
| 5 | Re | König (re) |
| 6 | Trumfo 3 | Oberstecher, Barde (colpa-ober) |
| 7 | Ober | (teninte) |
| 8 | Trumfo 4 | Understecher, Herzog (duxe) |
| 7 | Unter | (suteninte) |
| 8 | Trumfo | Farbstecher, Ritter (cavalero, o pajo) |
Esta cartes, incluinte la cavalero/pajo, colpa cada otras estra esta lista. La res, obers, 10s, 9s, e 8s de trumfos ave no potias como los de la otra trumfos, e condui se como la cartes estra la trumfos.
- *La karnoffel, pape, e imperor es ance nomida "la re-colpores", car los es la sola cartes ci pote prende un re.
- **La diablo es plu forte ca cualce carte estra la karnoffel, si lo ia comensa un prende; ma lo no pote es poneda a la prenda prima