Lampa de lava

Un lampa de lava es un spesie de lampa decorante. Lo es un botela de vitro cual conteni un licuida clar e alga gotones de sira colorida.

Un bulbo incandesente su la botela cambia la densia de la sira. Cuando, a un momento acaso, un goton deveni min densa ca la licuida, lo asende lenta. A la culmina, lo deveni plu fria, se densia crese denova, e lo desende. Un spiral de filo metal en la funda de la botela rompe la tensa surfasal e permete la recombina de la sira pos desende.