Lege sivil
Lege sivil es la sistem de lege usada en la plu de nasiones en la mundo oji. En lege sivil, la fontes reconoseda como autoriosa es, xef, legi - spesial codigos en constituis o leges asetada par governa - e costum. Codigos dati de milenios a ante, con un esemplo temprana le Codigo de Hammurabi de Babilonia. Sistemes de lege sivil moderna deriva, esensal, de codigos legal presentada par Imperor Justiniano 1 de la Impero Bizantian en la sentenio 6, cual ia e redescovreda en la sentenio 11 en Italia. Lege roman en la edas de la Republica Roman e la Impero Roman ia es multe un caso de prosedes, e no ave un clase de legores profesal. En loca, un iudex, pd un judor laica, ia es elejeda per judi. Desides no ia es publicida en cualce modo sistemal, donce cualce lege de casos cual ia developa ia es desemblada e cuasi nonreconoseda. Cada caso ia es desideda denova de la leges de la stato, cual refleta la nonimporta (en teoria) de la desides de judores per casos futur en sistemes de lege sivil de oji.
.jpg)
De 529 a 534 ec, la Imperor Justiniano 1 ia codigi e solidi lege roman asta acel punto, afin lo cual resta ia es un dudesi de la masa de testos legal de ante. Esta deveni conoseda como la Corpus Juris Civilis. Como un istoriste de lege ia scrive, "Justinian ia regarda, consensa, a ante a la eda oro de lege roman e ia intende restora lo a la culmina cual lo ia ateni tre sentenios a ante."1 La Codigo Justinian ia resta la realia en la este asta la cade de la Impero Bizantian. Entretempo, Europa ueste ia depende de un misca de la Codigo Theodosian e lege costumal germanica asta la Codigo Justinian ia es redescovreda en la sentenio 11, e la eruditas de la Universia de Bolonia ia usa lo per interprete sua propre leges.
Codigos de lege sivil fundida laxe sur lege roman, longo alga influes de leges relijiosa como lege canon, ia continua sperde tra Europa asta la Lumina; alora, en la sentenio 19, Frans, con la Code Civil, e Deutxland, con la [Bürgerliches Gesetzbuch]], ia moderni sua codigos legal. Ambos esta codigos ia influe forte no sola la sistemes de lege de la nasiones de Europa continental (pe Elas), ma ance la tradisiones legal de Japan e Corea. Oji, nasiones cual ave sistemes de lege sivil estende de Rusia e Turcia a la plu de America sentral e latina.
Referes edita
1 Stein, Peter (1999). Roman Law in European History. Cambridge University Press.