Cantar de mio Cid f. 1r (rep).jpg

Esta article es focada a la leteratur en engles en loca de la leteratur de England, con intende de inclui la scrivores de Scotland, Cimri e tota Er, como ance la leteratur en engles de la colonias brites antica, incluinte la Statos Unida de America. Par contrasta, asta la sentenio 19, on trata sola la leteratur de England e Er. Lo no inclui leteratur scriveda en otra linguas ca engles. Per leteratur de la Rena Unida en otra linguas, vide leteratur brites.

La lingua engles ia developa tra plu ca 1400 anios. La formas la plu temprana de engles, un colie de dialetos anglofrisce traeda a Britan par la colonistes anglosason en la sentenio 5, es nomida engles antica. Engles media ia comensa en la sentenio 11 tarda con la concista normande de England. Engles moderna temprana ia comensa en la tarda de la sentenio 15, con la introdui de la primador en London e la Biblia de Re Jacobo, como ance la Grande Desloca Vocal. Par la influe de la Impero Brites, engles ia estende tra la mundo de la sentenio 17.