Leteratur latina
La leteratur latina inclui la esajos, istorias, poesias, teatrales e otra testos scriveda en latina.
Linguistica e leteratur
editaLa leteratur latina implica la refleta metalinguistical, pd la studia de latina e la istoria de la lingua latina.
La istoria de la lingua latina es la studia diacrona de la lingua.
Istoria e leteratur
editaOn pote dise ce la comensa de la leteratur ia aveni en 240 aec, cuando la spetaculo prima ia es presentada en Roma, scriveda par Livio Andronico, inisior de la leteratur latina.
La leteratur latina pote es divideda en la periodos seguente:
- periodo de orijina (753 aec, fundi di Roma – 241 aec, fini de la Gera Punica Prima): mostras simple, tipal anonim
- periodo antica (241 aec – 78 aec): en esta periodo la prima obras en prosa e poesia comensa es scriveda
- periodo oro (78 aec – 14 ec), divideda en:
- periodo de Cicero (78 aec – 43 aec)
- periodo de Augusto (43 aec – 14 ec)
- periodo arjento (14 – 117 ec)
- periodo de dejenera (117 – 476)
Autores
editaEn esta article nos va parla de la autores plu importante de la periodo republiciste ia es Livio Andronico, Gneo Nevio e Quinto Ennio asta aceles de la leteratur cristian en la eda imperal tarda, como San Ambrosio.
Periodos
editaEda anticin (sentenio 3 a 2 aec)
edita- Epica - de Livio Andronico a Lucresio
- Comedia anticin
- Trajedia latina
Eda clasica
edita- Eda de Cesar
Eda imperial
edita- La filosofia, la novela, la poesia pos Augusto
- La istoriografia e la retorica
- La retorica pos Augusto
- La epica pos Augusto
- La leteratur cristian
- Lias con la leteratur stranjer
Jeneros
editaTeatro
edita- Trajedia: La eroes es fronti a sua destina e a la dios. Esta fronti fa nase emosia e compatia en la oservores.
- Comedia: Lo presenta situas de umor. En Elas, lo ia es divideda en tre periodos:
- Comedia antica: de la orijina a 400 aec. Representada xef para Aristofane.
- Comedia media: de 400 aec a 323 aec.
- Comedia nova: de 323 a 250 aec. Representada xef par Menandro.
La comedia roman ia imita la comedia nova elinica.
Poesia
edita- Epica: Lo nara la aventuras de la pasada, tipal par un eroe. Lo es scriveda en persona tre e en strofes usante la exametre datilal. Lo ia nase en Elas con la Iliada e la Odisea e, en la comensa, ia es trasmeteda oral.
- Lirica: Con multe formas e temas, lo parla de la sentis privata. En sua orijina, lo ia es resitada acompaniada par un strumento musical.
- Elejia: Lo es un tipo de poesia lirica. En sua comensa ia ave un tema funeral ma temprana ia ave otra temas como ama, gera e moral.
- Poema instruinte: Esta poemas vole trsmate ensenias relijial, moral o siensal. Alga esemplos es Laboras e dias par Hesiodo (Elas) e Mutas par Ovidio.
- Fabula: Un nara corta con sinifia moral, con carateres como animales o fes. Lo ave autores como Esopo en Elas e Fedro en Roma.
- Epigram: Orijinal testos corta, jeneral en strofes, enscriveda sur petra en scultas o tombas. En la leteratur latina, lo ia cambia a un testo corta satirica.
- Satira: Lo es un testo cual critica la tradisiones e vilia con un ojeto moralinte o burlante.
Prosa
edita- Istoriografia: En Roma, lo ia contribui a reforti una sistem de valuas sentrida en la moral, la relijiosia e la patriotisme.
- Retorica: Lo ia nase en Sisilia en la sentenio 5 aec con Corax de Siracusa e Tisia. En Roma ia es multe developada con la autor plu importante esente Cicero.
- Prosa siensal e tecnical: En Roma ia apare libros con un ojeto pratical con temas multe variada.
- Epistolografia: Lo es la jenero cual conserna scrive leteras.
- Novela: Lo ia es la jenero ultima en apare. La prima novelas ia apare en la sentenio 2 aec. En Elas la tempa ia es xef viajas o amor en cuando en Roma ia es satira.