Lia de testo

Un lia de testo es un parola o espresa cual ave un rol en la maneja de la flue e strutur de un testo. Car sua funsiona major es a la nivel de un testo, no a la nivel de frases, esta paroletas es relativa autonom e no cambia la sinifia o veria de la frase. El funsiona en un modo simil a conjuntas o sujuntas, ma entre frases o la ideas cual los represente.

Yael Maschler ia divide lias de testo entre cuatro categorias larga: interpersonal, referente, strutural, e cognisial:

Lias interpersonal es usada per indica la relata entre la parlor e la escutor:

• Persepi: "vide", "crede me"
• Acorda: "esata", "sin duta", o nonacorda: "me no es serta", "a la otra lado"
• Stona: "o!", "eselente", "no!"

Lias referente, plu comun conjuntas, es usada per indica la segue, causa, e coordina entre frases o espresas:

• Segue: "aora", "alora"
• Causa: "car", "afin"
• Coordina: "e", o noncoordina: "ma"

Lias strutural indica la ierarcia de atas de parla a la tempo en cual los es parlada. Esta lias indica cual espresas la parlor crede es plu o la plu importante:

• Organiza: "prima"
• Introdui: "alora", "donce"
• Resoma: "final", "per resoma"

Lias cognisial revela la prosede de la pensa de la parlor:

• Prosede de informa: "mmm", "oce"
• Persepi: "o!" "me vide"
• Reespresa: "me intende"

Refere

Jucker, Andreas H.; Ziv, Yael (1998-07-15). Discourse Markers: Descriptions and theory. John Benjamins Publishing.