Limitas de crese
La limitas de crese (engles orijinal: The Limits to Growth) es un studia de Dennis L. Meadows de la anio 1972 sur la futur de la economia mundal. Par la medio de un model de computador, sua ecipo ia computa senas diversa de la developa de la economia futur. La libro ia influe forte la promove de proteje la ambiente. Pos esta libro prima, plu libros ia segue par la mesma autor, cual ia esati plu la declaras e ia refresci los.
La limitas de crese (1972)
editaLa resulta de la computa ia es ce la cuantia de persones e la economia mundal va crese asta sirca la anio 2030, ma va es segueda par un cambia subita. La causa de esta condui es la recursos limitada de la Tera e un cuantia forte cresente de persones. La sola posible per evita esta ta es atas intensa per proteje la ambiente e restrinjes jeneral de nases. Ma esta nesesas no ia pote reali political.
La limitas nova de crese (1992)
editaEsta libro ia es publicida en 1992. La computas ia es repeteda con datas plu nova. Per esemplo, los ia sabe aora ce la recursos de la Tera es plu grande ca on ia suposa en 1972. Los ia considera ance la developa diferente en partes diferente de la mundo. Ma la resulta no ia difere vera de la computa prima.
En la anio 2000, Meadows ia publici ce nos no pote ateni un state stable con la cuantia presente de persones en la mundo.
La renovi pos 30 anios (2004)
editaEn acel anio on ia publici un libro nova con la nom La limitas de crese: la renovi pos 30 anios (Limits to Growth: The 30-Year Update). La computa nova tende asta la anio 2100. En la plu de senas, la economia va traversa la limitas de crese ante 2100 e va cade a pos. Si nos continua nos condui como aora, la cade va aveni en la anio 2030. Ance si nos usa normas vera streta per proteje la ambiente e per es nonperosa, nos pote sola jentili alga la resulta. En esta caso, un sosia stable con sirca 8 mil milion umanas ta es posible.
La studia descrive ance alga developas pos la studia prima de 1972. Cualias importante es la crese de la diferes sosial, la cualia plu mal de la solo de tera, la pexa tro estendeda de la mares, e la consuma de combustables de fosil. La capasia de la Tera es consumada.
Seguentes
editaOn ave dutas sur la esatia de la resultas cuantial. Per esemplo, nos pote dise ce la predise de 1972 no ia aveni. Ma nos debe nota ce en 1973 la crise de petrolio ia aveni. Lo ia gida a custas plu alta e a consuma min perosa. Asta aora, on ia descovre ance plu recursors de la Tera. Jeneral, nos pote dise ce la progresa tecnolojial ofre posibles nova.
Ma nos sabe ance ce la resultas cualial es coreta. Nos no debe ignora estas. La demanda desidente es: como nos pote ata concreta? Ante tota, nos debe para la crese de cuantia de persones. E nos debe trova un tipo de economia vera nonperosa. E nos debe trova solves cual no gida a problemes sosial grande. Probable nos va debe aprende vive con un state de vive plu fundal.