Lingua ignota

Un Lingua Ignota (latina per "lingua nonconoseda") ia es descriveda par la abesa de Rupertsberg en la sentenio 12, San Hildegard de Bingen, ci ia usa, parente, per intendes mistical. Per scrive lo, el ia usa un alfabeta de 23 leteras, litterae ignotai.

La 23 litterae ignotae de San Hildegard

El ia descrive partal la lingua en un obra con la nom Lingua Ignota per simplicem hominem Hildegardem prolata. La testo es un gloseria de 1011 parolas, con glosas xef en latina e a veses en deutx. La parolas pare es inventas apriori, xef nomes con alga ajetivos. Gramatical, el ia sustitui la parolas nova en un gramatica latina.

• Aigonz: deus (Dio)
• Aieganz: angelus (anjel)
• Zuuenz: sanctus (san)
• Liuionz: salvator (salvor)
• Diueliz: diabolus (devil)
• Ispariz: spiritus (spirito)
• Inimois: homo (umana)
• Jur: vir (om)
• Vanix: femina (fem)
• Peuearrez: patriarcha (partriarca)
• Korzinthio: propheta (profeta)
• Falschin: vates (previdor, poesiste)
• Sonziz: apostolus (apostol)
• Linschiol: martir (martir)
• Zanziuer: confessor (conselor privata)
• Vrizoil: virgo (virjin)
• Jugiza: vidua (vidua)
• Pangizo: penitens (repentor)
• Kulzphazur: attavus (cuatroave)
• Phazur: avus (ave)
• Peueriz: pater (padre)
• Maiz: maler (madre)
• Hilzpeueriz: nutricus (estrapadre)
• Hilzmaiz: noverca (estramadre)
• Scirizin: filius (fio)
• Hilzscifriz: privignus (estrafio)
• Limzkil: infans (bebe)
• Zains: puer (xico)
• Zunzial: iuvenis (joven)
• Bischiniz: adolescens (adolescente)

An si la "lingua" ia es multe limitada, San Hildegard es videda par zelosas de linguas construida como la "santa" de sua pasatempo.