Linguas araucanian

La linguas araucanian es un familia peti de linguas de America Sude, locada en Txile sentral e area visin de Arjentina. La linguas vivente de esta familia es mapudungun e huilitxe. Los es a veses videda como dialetos de un lingua singular.

On estima ce on ave sirca 200,000 parlores de mapudungun en Txile e 40,000 en Arjentina. Huilitxe es parlada par alga miles de Txileanes.

Gramatica

La linguas es aglutinante, con verbas tipal composada de sinco o ses morfemes. La ordina es flexable, ma tende a SVO con verbos transitiva, e VS con verbos nontransitiva. La usa de sistemes con topic e comente es comun. Nomes es divideda entre animada e nonanimada.

Particulos usada per espresa la sentis de la parlor: chi (duta), am (surprende), nga (regrete), llemay (sertia), chemay (stona), chiam (mervelia), amfe (esclama)

Particulos plu complicada inclui kay (informa asi contradise lo presedente), may (parlor espeta un reata positiva de la escutor), anchi (la sujeto es acel - cual es indicada).

Verbos ave multe varias: finite/nonfinite, transitiva/nontransitiva, person, singular/dual/plural, ativa, pasiva, refletante-resiprocal, modo (indicativa/imperativa/sujuntiva), presente/futur (en la indicativa), aspeta (progresante/resultante/abitual), evidentia (reportada/atestada), dirijes (sislocada/translocada/vadente/paseante), interompeda/continuante, subita/finjeda/pronto/etc. Verbos pote ance inclui nomes per refina la sinifia.