Linguas berta
Berta es un grupo de tre linguas multe intercomprendable: berta propre, fadixa, e undu. berta propre (a veses nomida gebeto) inclui la dialetos bace, dabuso, gebeto, maiu, e xuru. La linguas es parlada par la popla berta. Los es locada en la ueste-sentral de Itiopia (spesial la zona Asosa, cual es sirca 60% berta) e locas visin en Sudan e Sudan Sude. Plu ca 200,000 persones parla la linguas berta.
La familia es comun videda como un ramo de la linguas nilo-saharan, ma algas sujesta ce lo es autonom.
La linguas es normal SVO, ma pote usa OVS, dependente sur natur de la discute. Los es tonal, usa preposadas, usa un sistem con un cambia de tono per la nominative, marcas per la dative, e parcas e cambia de tono per la jenitiva. Verbos es marcada per tempo-aspeta, pasiva, causa, resiproca, e dirije.
Per esempli la lingua, usante berta propre, asi es la pronomes:
| Tema | Sujeto posverbal | Ojeto posverbal | |
|---|---|---|---|
| me | àl(ì) | -lɪ́ɪ̀ | -ɟì |
| tu | (à)ŋɡó | -ŋó | -ŋɡó |
| el, lo | ɲìnè | -né | ɲìnè, -né |
| nos | χàtâŋ | -ŋàa | χàtâŋ |
| vos | χàtú | χátú | χàtú |
| los | mèrée | mérée | mèrée |