Un mapa de la linguas mixe-zoce en Mexico sude

La linguas Mixe-Zoce es un familia de linguas de cual la membros vivente es parlada en e sirca la Istmo de Tehuantepec, Mexico. La governa de Mexico reconose tre linguas mixe-zoce diferente como ofisial: Mixe (o ayook) con 188,000 parlores, zoce (o o'de püt) con 88,000 parlores, e la linguas popoluca de cual algas es dialetos de mixe e otras de zoce, con 69,000 parlores. Ma la diversia interna en cada de esta grupos es grande, e la Etnologue difere 17 linguas.

La protolingua per la familia ave un fonolojia alga simple: lo ave ses vocales (a, e, i, o, ə (xva)) en corta e longa; per consonantes, lo ave p, t, tx, k, ʔ, s, h, m, n, w, y. Ma alga desendentes ave plu fonemes diversa.

La linguas mixe-zoce marca la nucleo de formulas e es polisintesal, con verbos morfolojial complicada e nomes simple. Sujetos e ojetos es marcada en la verbo. Los usa un alinia ergativa. Los usa ance sistemes direta-inversa, en cual la sujeto o la ojeto de un verbo es marcada en relata a si un es plu importante (topica) o es plu ative o intendente (anima). Si la sujeto ave un grado plu grande ca la sujeto, on use la formas direta; si la inversa, on usa la formas inversa.

En verbos, un distingui morfolojial es fada entre du tipos fundal de proposas, dependente e nondependente; la verbos ave diferente afisas de aspeta e person dependente de cual tipo de proposa. On ave ance du grupos diferente de marcas per aspecta, un marca usada en proposas dependente, la otra en proposas nondependente. Tre aspetas es distinguida en cada tipo de proposa; completada, noncompletada, e nonreal.