Maidu (lingua)

Maidu es un lingua grave perilida, parlada par la popla maidu, ci abita tradisional la montanias este e sude de Lassen Peak en la vales de la Rio American e Rio Feather en California norde. Ante encontra la popla european, la popla maidu ia abita en partes de California sentral, en un sosia xasante e coliente. Farrell Cunningham ia instrui studiantes en la lingua asta sua moria en 2013, en un labora per revive la lingua. Otras continua sua laboras. Alga linguistes vide maidu como un de la linguas penutian, con otra familias como miwok, wintun, yokuts e ohlone.

Fonolojia

Maidu ave 18 fonemes consonantal. A su, los es indicada en leteras forte e segue la ortografia de Shipley:

	Labial	Alveolal	Palatal	Velal	Glotal
Esplodente simple	p	t	c	k	ʔ
Esplodente ejetante	pʼ	tʼ	cʼ	kʼ
Esplodente vosida	b [ɓ]	d [ɗ]
Fricante sin vose		s			h
Nasal	m	n
Prosiminte	w	l	j

Parlores vea ia reteni la esplodentes c e c' , ma parlores plu joven usa un pronunsia nova, la africantes [tʃ] e [tʃʼ]. B e d es implodentes, ma no es distinguida de b e d normal. Ante k e k' , m es pronunsiada como [ŋ].

Maidu ave ses vocales. Lo no distingui formas corta e longa:

	Anterior	Sentral	Posterior
Alta	i	y [ɨ]	u
Media	e		o
Basa		a

Gramatica

Nomes

Nomes en maidu es divideda entre du clases. La prima es composada de parolas de familia. Los nesesa sempre la posese par un otra nom, un pronom o un mostrante:

• nikne - my mother
• minne - your mother
• myne - (that) mother

Clase du es composada de morfemes libre, e pote es divideda entre suclases plu peti. La suclase prima conteni nomes simple, como /wepa/ (coiote).

Suclase du conteni nomes formida de plu ca un radis:

• mom (acua) + pano (urso gris) = mompano (lutra)
• jask'ak (magra) + no (longo) = jask'akno (om magra)
• jaman (montania) + -to (sirca) = jamanmanto (montanias en tota dirijes)
• k'am (adomen) + pum (membrana) = k'ampumpu (stomaco de bove, usada per come)
• sol (cantada) + -be (-eta) = solibe (canteta)

La pronomes simple:

• nik - me
• min - tu

• Per la person tre, on usa my jutada a un nom, pe "acel fem", "acel person", "acel cosa", etc. Ma per la plural, on usa maj.

Madia ave sufisas singular, dual e plural per pronomes e nomes:

• -c'o - dual
• -cy - plural
• -t'yt'y - plural diminuinte

Casos:

• Sujeto - -m (wepa (coiote) > wapam) o sutrae de consonante final (nik (me) > ni).
• Ojeto - -i (jaman (montania) > jamani) o no cambia (nik > nik)
• Posesente - -ik' , -ik'i, o -k'i (wepak'i, niki (de me), mink'i (de tu)
• Acompaniante - -ik'an o -k'an
• Strumental - -ni (jaluluni - con la flauta)
• Locativa - -di (kuludi - en la oscur)
• Alativa - -nak o -na ('c'ajna - a un otra loca)
• Ablativa - -nan (wolenan - de la blanca)
• Linial - -no (sewno - longo la rio)

Verbos

Verbos maidu es composada de un radis e un serie de sufisas. Alga verbos comensa de un radis simple. Otras es composada de du parolas:

• k'aw (tera) + ba (escava) = k'awba (escava un buco)
• t'ik (ave sufisinte) + c'e (vide) = t'ikc'e (crede)
• bok (no sinifia!) + weje (parla) = bokweje (sita un autoria o spirito)

Causal: -ti- sinifia ce la sujeto causa un aveni:

• ma dondom 'as te 'ynotik'as - me fa ce la enfante pasea, teninte sua mano.
• wonoti - causa ce x mori, mata x

Ojeto verbal: esta ave formas variosa:

• -us - refletante, pe wonoti'us'am (el mata se)
• -jo - ojeto plural e atas repeteda, pe c'ani majse 'ono wojomak'as (me va colpa los, la un pos la otra, sur la testa con un baston)
• -to - sinifia oscur, pe juto (frota en, de ju, frota sur), mejto (compra, de mej, dona)
• -toto - resiproca

Move e loca:

• -c'ik - supra o en, cluinte o covrente (pe, puc'ik - clui par infla)
• -c'o - supra e ultra la borda, sirca de pos
• -daw - su e a via, sin indica un gol de move
• -dik - asta e en un gol o ojeto
• -doj - a asta (pe, weledoj, core a alta)
• -je - a asi
• -kit - a basa
• -k'oj - de asi
• -lek - fretante
• -mit - a sur o a en, sin implica un move a su
• -n - a basa de un rio o colina (indica comun la sude-ueste)
• -no - a via, sin indica un dirije o implica (pe, weleno - core a via)
• -paj - contra, comun metaforal (pe jodotpaj - lia, metaforal, haspaj - urini contra, como un can)
• -pin - a asi, sin implica un gol
• -sip - de, estra (pe, t'supsip - sputa)
• -t'a - a sur
• -waj - a separada

Alga de esta sufisas pote aveni con lunlotra en alga construis limitada. Pe, c'opin (a supra la borda e a asi), c'ono (a supra la borda en un sircula), noje (sin gol), sippin (de e a asi).

Nega: -men e -n, pe: kyloknonom as wetemmen'usan (la femes no ia dansa en la pasada) monma'amkano (tu no va...)

Aspeta:

• -bos - completante (wejebosk'as - me no parla plu)
• -c'yj - no capas (hybonam jysipc'yjk'as - me no pote sorti de mea casa)
• -doj - comensante (nik'i lenom 'as jotitdojdom kak'an - me jardin comensa flori e deveni verde)
• -nu - durante
• -ti - per la benefica de
• -bew - alga plu (mym p'ybem 'as lalambewk'an - acel xico deveni alga plu alta)

Evidente:

• c'oj - atesta (mym majdyk mykotom 'ac'oj'am - lo es la ava de acel om, on dise)
• wew - evidente (mym p'ybec'om 'as 'ydojwewk'an - acel du xicos veni asi, evidente)
• ky - parente (hes hututini wejepem kakyk'an - lo pare ce el parla fol)

La verbo es completida par la ajunta de sinco sufisas per tempo, aspeta, modo, person e numero. Esemplos:

• Comun pasada/presente - Ø (sol'as - me canta, me ia canta)
• Comun futur - ma (solmak'as - me va canta)
• Pasada abitual - -'us (weje'usas - nos ia parla abitual)
• Sujuntiva - -k'e (sola con jak, "semble", e na, "resulta en")
• Avisa - -by'y (pe, wonoby'ys - me va mori, posible)
• Demanda - -k'ade (pe solk'ades - esce me canta?)
• Comanda - -pi (pe c'enopi - vide!), -pada (un comanda cual debe es completida con la parlor asente)