Maladia pulmonal impedinte cronica

La maladia pulmonal impedinte cronica refere a un duple de maladias de la pulmones relatada - broncite cronica e emfisema. En ambos, la dutos de aira deveni streta, ce deveni un limita de la flue de aira a e de la pulmones. En contraste a asma, la limita de la flue de aira no es fasil reversada e la problem deveni plu mal con tempo.

La maladia es causada par particulas o gases nosiva, la plu comun de fuma de tabaco, cual ativi un responde nonormal de inflama en la pulmon. En la dutos plu grande, lo es clamada broncite cronica, cual es diagnoseda cuando persones tose cronica con sputa. En la alveolas, la inflama causa la destrui de teseda en la pulmon, e lo es clamada emfisema. Infetas e contamina de la aira mali la maladia.

La maladia pote es controlada par la sesa de fuma de tabaco, la usa de vasines, recapasi, e medisin (comun enspirada). Alga pasientes nesesa la terapia con osijen o la transplanta de pulmones.