Mandju (lingua)

Mandju (mandju: , manju gisun) es un lingua estrema perilida de la familia de linguas tungusica parlada en Mandju. Lo ia es la lingua nativa de la popla mandju e un de la linguas ofisial de la dinastia Qing (1636–1911) de Xina. La plu de mandjus parla aora xines (putong) Seguente data de la Nasiones Unida, on ave des parlores nativa de mandju estra un tota de cuasi 10 milion mandjus etnical. An tal, multe mandjus ia comensa aprende la lingua resente. Aora, alga miles pote parla mandju como un lingua du en scola prima o clases sin custa per adultes en salas de clase o enlinia.

La lingua mandju ave un valua alta istorial per istoristes de Xina, spesial per la dinastia Qing. Los furni informa cual no es disponable en xines e, cuando varias mandju e xines de un testo esiste, los furni controlas per comprende la xines.

Como la plu de linguas de Sibir, mandju es un lingua aglutinante con armonia limitada de vocales. Lo es demostrada ce lo es derivada xef de la lingua Juxen, an si on ave multe parolas emprestada de mongol e xines. Lo es scriveda vertical en la alfabeta mongol, cual es derivada de la alfabeta uigur e sogdian, e ultima de la alfabeta arami. An si mandju no ave la tipo de seso gramatica cual multe linguas indoeuropean ave, alga parolas ave sua seso distinguida par vocales diferente, per esemplo ama (padre) e eme (madre).