Melee (o Mêlée) es un varia de xace, juada sur un table de 9 par 9 cuadros, cual asentua la rol de la peones par boni e diversi sua potias, e par reintrodui alga pesos medieval. La prinse servi como la re, ma move como la rea. Plu, on ave ses pesos cual pote salta supra otra pesos. A la otra lado, on ave sola un tore e un bispo. La pesos es discos simil a los de damas o xiangqi, con simboles en negra e roja.

La ordina de pesos a la comensa de la jua de melee
La prinse: un per juor; move cualce cuadros ortogonal o diagonal (como la rea en xace tradisional)
x x x
x x x
x x x
x x x
x x x x P x x x x
x x x
x x x
x x x
x x x
La jeneral: un per juor; move cualce cuadros ortogonal (como la tore en xace tradisional)
x
x
x
x
x x x x J x x x x
x
x
x
x
La bispo: un per juor; move cualce cuadros diagonal (como la bispo en xace tradisional)
x x
x x
x x
x x
B
x x
x x
x x
x x
La cavalo: du per juor; move un cuadro ortogonal, segueda par un cuadro diagonal, ambos a via de la cuadro orijinal, e pote salta supra cualce pesos en sua via (como la cavalero en xace tradisional)
x x
x x
2
x x
x x
La camel: du per juor; move un o du cuadros ortogonal, e pote salta supra pesos en sua via (la move de la dababa en shatranj)
x
x
x x C x x
x
x
La elefante: du per juor; move un o du cuadros diagonal, e pote salta supra pesos en sua via (la move de la pil en shatranj)
x x
x x
E
x x
x x
La spada: tre per juor; move un cuadro ortogonal o diagonal (como la re en xace tradisional)
x x x
x S x
x x x
La lansia: tre per juor; move un cuadro ortogonal (la move de la vizir de xace de Timur)
x
x L x
x
La arco: tre per juor; move un cuadro diagonal (la move de la fers de shatranj)
x x
A
x x

La castel es indicada par un bloco peti, cual es poneda su la prinse. Lo no move. La gol es la ocupa de la castel de la juor oposante, o la catura de sua prinse. Regulas spesial de xace tradisional, como leva de peones, la move duple inisial de peones, e la intercambia de re e tore, no es presente en la jua.