Menses suomi

En suomi, on no usa la nomes per menses derivada de la nomes tradisional de la romanes antica o la cristianes temprana, ma on usa nomes vea per la sicle de avenis e ativias de la cultivores en un pais norde:

Un graneria longo un rua campanial en Kokkila, Suomi

1. Tammi (janero) sinfia cuerco, ma en alga dialetos, lo sinifia ance un cor, cual es la orijin de esta nom. Esta mensa es la media - la cor - de inverno en Suomi.

2. Helmikuu (febrero) sinifa perla, e la nom deriva de la perlas de glasa, jelada sur ramos e bastetas, videda su la lus de la sol.

3. Maaliskuu (marte): maa es la solo de tero, e maallinen sinifia solosa. Esta es la mensa en cual la neva fonde per la ves prima, e la solo nuda apare. Lo es ance crededa ce la nom pote refere a mahla, cual sinifia la sava de arbores.

4. Huhtikuu (april): huhta sinifa bosces cortida e ardeda, per crea spasio per campos nova.

5. Toukokuu (maio): touko es la tempo per semi e planta.

6. Kesäkuu (juno): kesä sinifa estate, ma probable la nom deriva de kesanto, cual sinifia tera reposante, cual debe es aradida per la prima ves.

7. Heinäkuu (julio) sinifia feno, e esta es la mensa en cual la feno es cortida e traeda a en.

8. Elokuu (agosto): elo sinifia vive, ma lo es ance un parola vea per la cultiva, e esta es la mensa per recolie.

9. Syyskuu (setembre): Syys es un parola poesin per autono, e esta es la mensa prima de autono.

10. Lokakuu (otobre): loka sinifia fango, e en esta mensa, lo pluve e neva multe, creante tera fangosa.

11. Marraskuu (novembre): marras es un parola antica per moria, o la spirito de un person mor. La arbores es nuda, la plantas ia mori, e no cosa crese.

12. Joulukuu (desembre): joulu sinifia aora natal, ma la nom estende plu temprana ca lo, a la festa precristian per la solista invernal. Cuando la popla de Suomi ia deveni cristianes, los ia sustitui simple un festa per un otra.

Esta esplicas es traduida de partes de los trovable a Finteresting.