Microscopio eletronica de scane

Un microscopio eletronica de scane (MES) es un tipo de microscopio eletronica cual produi imajes de un ojeto par scane la surfas con un raio focada de eletrones. La eletrones interata con la atomes en la ojeto, produinte siniales variosa cual conteni informa sur la topografia de la surfas e sua composa. La raio de eletrones es scaneda en un modo matrisin e la loca de la raio es combinada con la sinial detetada per produi un imaje. Un MES pote ateni un densia plu bon ca un nanometre. Ojetos es oservada en un vacua alta en un MES comun, o en un vacui basa o situas moiada en un MES de presa variable o ambiente, e a un estende grande de temperatures alta o criojenica con strumentos spesialida.

Polen, oservada con un microscopio eletroncia de scane

La modo la plu comun de MES es la deteta de eletrones du emeteda par atomes stimulada par la raio de eletrones. La cuantia de eletrones du cual pote es detetada depende, entre otra cosas, de la topografia de la ojeto. Par scane la ojeto e colie la eletrones du cual es emeteda usante un detetador spesial, un imaje mostrante la topografia de la surfas es creada.