Model:Bon article 2/10

Cultiva en Barat ia comensa a min 8000 anios ante aora; Asi, un cultivor maneja un arado traeda par boves en Bangla Ueste

Barat (o India) es un pais en Asia. La area es sirca 3 287 590 cilometres cuadrida. La cuantia real de popla en Barat, en la anio 2016, es sirca 1 293 057 000 persones. La site capital es Delhi Nova. La presidente de 2012 es Pranab K. Mukherjee (sentral-sinistra). La ministro xef es Manmohan Singh, un sic.

Barat ave 23 linguas oficial cual inclui engles, ma 22 es barati. La linguas major es hindi (30% a 40%), bangla, telugu, marati, tamil, urdu, gudjarati, malaialam, canada, oria, pandjabi, asames, kaxmiri, sindi, bodo, dogri, kokani, maitili, manipuri, nepali, santali, sanscrito, e engles.

Istoria

1947: Autonomi de la Impero Brites. Multe combates ia aveni entre Hinduistes e Islamistes, con plu ca milion mores.

1947–1964: La ministro xef orijinal ia es "Pandit" Nehru. Sua fia Indira Gandhi, e la fio de sra Gandhi, Rajiv Gandhi, ia es ance ministros xef, e ia es matada.

1948: "Padre de India" Mahatma Gandhi ia es matada par un estremiste hindu.

A pos 1947, Barat ia ave un economia desiniada sosialiste. Lo es un de la membros fundor de la Move de Nonaliniadas e de la Nasiones Unida. Lo ia luta multe geras de sua nondepende de Britan, incluinte en 1947-48, 1965, 1971, e 1999 con Pacistan e en 1962 con Jonguo. Lo ia ance concista Goa en 1961 contra Portugal. Barat ia fa probas nucleal en 1974 e 1998, e lo es un de la paises con armas nucleal. De 1991, Barat ia es un de la economias con crese plu rapida en la mundo.

Per plu, vade a Barat.