Model economial

Un model economial es un construida teorial cual representa prosedes economial par un colie de variables e un colie de relatas lojical e/o cuantial entre los. La model economial es un strutur simplida, frecuente matematical, desiniada per esempli prosedes complicada. Frecuente, modeles economial ave parametres strutural. Un model porte ave alga variables esojenesal, e acel variables pote cambia per crea respondes variosa per variables economial. Usas metodolojial de modeles inclui rexerca, teori e ajusta teorias a la mundo.

Resoma

Jeneral, modeles economial ave du funsionas: un simplia e astratia de datos oservada, e un media per eleje data fundida sur un model de studia econometrial.

Problemes

Multe modeles economial resta sur un numero de suposas cual no es intera realiste. Per dise, on suposa frecuente ce ajentes ave informa perfeta, e ance ce mercatos clari sin frica. A veses, la model pote omete problemes cual es importante per la idea considerada. Cualce analise de la resultas de un model economial debe donce considera la estende a cual este resultas pote es comprometeda par nonesatias en esta suposas, e lo ia crese la leteratur cual discute problemes con modeles economial, o a la min acel leteratur cual nota ce sua resultas es nonfidable.