Un moneta de dui un "sovereign" engles de 1914
Un moneta de 50 dolares de la SUA, de oro

Mone es cualce cosa o arcivo verable cual es asetada jeneral como paia per benes e servis e la repaia de debitas, e impostas, en un nasion spesifada o contesto sosio-economial. La funsiones xef de mone es distinguida como (1) un media de intercambia, (2) un unia de conta, (3) un arcivo de valua, e (4) un norma de paia posponeda.

La cuantia de mone de un nasion es composada de mones paper, monetas, e mone de banco. La mone de banco es composada jeneral sola de arcivos (xef en computadores en bancos moderna), e formi la parte la plu grande de mone en nasiones developada.

Elefen inclui la nomes major de mones de multe linguas tra la mundo:

  • crona (de krona, svensce) Sveria, Noria, Danmarce, Island, Faroes, Czechia (corona) [ante euro]
  • marc (de mark, deutx) - Deutxland, Suomi, Bosnia [ante euro]
  • gene - Misre
  • dolar - SUA, Canada, Australia, Zeland Nova, Taiuan, Hongcong, Singapor, Liberia, Jamaica, Namibia
  • paund - Britan
  • euro - la Eurozona
  • franc - Suiz, Lictenstain, alga nasiones en Africa francofon; Frans, Beljia, e Luxemburg [ante euro]
  • rupi - India, Indonesia, Maldives, Mauritio, Nepal, Pacistan, Sexeles, Srilanca
  • rial - Oman, Iemen, Maroc, Tunisia, Hejaz, Qatar, Arabia Saudi, Brasil, Portugal, Espania, Camputxia
  • peso - Arjentina, Txile, Colombia, Cuba, Republica Dominican, Mexico, Pilipinas, Uruguai
  • dinar - Jazair, Barain, Irac, Urdun, Cuait, Libia, Macedonia, Serbia, Tunis
  • xecel - Israel
  • iuan - Xina
  • ien - Japan
  • uon - Corea
  • lira - Turcia, Malta, Lubnan, Suria
  • rand - Africa Sude
  • rublo - Russia