Muhammad Iqbal

Sir Muhammad Iqbal (urdu: محمد اقبال ‎) (9 novembre 1877 – 21 april 1938), conoseda como Allama Iqbal (علامہ اقبال), ia es un poesiste, filosofiste, politiciste, academiste, avocato e erudita en Barat brites. On judi ce el ia inspira la Promove per Pacistan. On nomi el la padre spirital de Pacistan e regarda el como un de la figures la plu importante de la leteratur urdu, con obras leteratural en urdu e farsi.

Muhammad Iqbal

Informa personal

Nase: 9 novembre 1877 en Sialkot, Punjab, Barat brites
Mori: 21 april 1938 en Lahore, Punjab, British India
Pais: Barat brites

Otra informas

Profesa: Poesiste, filosofiste e politicste
Move: Move per Pacistan

En multe locas de Asia Sude e en la mundo urdu, Iqbal es videda como la Shair-e-Mashriq (Urdu: شاعر مشرق‎, "Poesiste de la Este"). El es ance nomida Mufakkir-e-Pakistan (Urdu: مفکر پاکستان‎, "la Pensor de Pacistan"), Musawar-e-Pakistan (Urdu: مصور پاکستان‎, "Artiste de Pacistan") e Hakeem-ul-Ummat (Urdu: حکیم الامت‎, "La Saja de la Ummah"). La governa de Pacistan ia nomi ofisial el un "poesiste nasional".

Sua aniversario – Yōm-e Welādat-e Muḥammad Iqbāl (Urdu: یوم ولادت محمد اقبال‎) o Dia de Iqbal – es un festa nasional en Pacistan. En Barat el es ance recordada como la autor de la canta famosa Saare Jahaan Se Achcha.