Mundo ueste
La mundo ueste refere a la varia nasiones dependente de la contestos, plu frecuente a min parte de Europa e America. Ance conoseda como la Ueste, multe definis es asetada, tota relatadas lunlotra.
Elas e Roma antica es considerada la locas de nase de la sivilia ueste: acel par causa de sua efeto sur filosofia, democratia, siensa e arte, arciteta; esta par causa de sua influe sur lege, atas de gera, governa, republicisme, injenia e relijio. La sivilia ueste es ance fundida sur Catolicisme e varias eglesas protestante, cual ia es influeda par filosofia eliniste, iudiste e cultur roman. Ance, la elinicas antica ia es influeda par la sivilias antica de Asia sude-ueste, incluinte iudisme e cristianisme temprana. Oji, la cultur ueste ia es influeda par la Renase, la Eda de Descovres e la Lumina, e la Revolui Industrial. Tra imperalisme e cristiani par la potias ueste de la sentenio 15 a la 20, plu de la resta de la mundo ia es influeda par la cultur ueste.
La conseta de la parte ueste de la tera ia ave sua radises en la divide entre la Eglesa Catolica Ueste e la Eglesas Ortodox Este.