Navaho (lingua)
Navaho (autonomida Diné bizaad) es un lingua Atabascan de la familia de linguas Na-dené, parlada en la SUA sude-ueste par la popla navaho (autonomida Diné). Navaho ave plu parlores ca cualce otra lingua de la americanes orijinal a norte de Mexico, con plu ca 170,000 parlores en 2007. La plu de parlores vive a la Nasion Navaho e parla ance engles.
| Navaho (Diné bizaad) | |
|---|---|
| Parlada en: | SUA |
| Area: | America |
| Tota parlores: | 178.000 |
| Ordina: | |
| Familia: | Na-dené Atabascan |
| State ofisial | |
| Lingua ofisial de: | |
| Regulada par: | |
| Sifras | |
| ISO 639-1 | nv |
| ISO 639-2 | nav |
| SIL | nav |
 | |
| Vide ance: Lingua – Lista de linguas | |
En la Gera Mundal Du, Navaho ia es usada como un sifra en la Pasifica par navahos bilingual per envia mesajes militar par la radio. La “sifra” no ia es desifrida par la japanes.
Consonantes
editaBilabial Alveolal Palatal Vloal Glotal Sentral Ladal comun labialida Esplodentes Comun [p] [t] [k] [ʔ] Aspirada [tx] [kx] [kxʷ] Ejetada [tʼ] [kʼ] Africante Comun [ts] [tˡ] [tʃ] Aspirada [tsʰ] [tɬʰ] [tʃʰ] Ejetada [tsʼ] [tɬʼ] [tʃʼ] Continuant Sin vos [s] [ɬ] [ʃ] [x] [xʷ] [h] Con vos [z] [l] [ʒ] [ɣ] [ɣʷ] Nasal [m] [n] Prosiminte [j] [w])
En la spele Navaho, la letera h ave du sonas: /x/ cuando lo comensa con un radis, e /h/ cuando lo es un parte de un prefisa o cuando lo fini un radis o parola. Ma cuando /x/ es presededa par s, lo es sempre scriveda como x e nunca como h, afin lo no es confusada con sh.
La consonante gh es scriveda y ante vocales i e e e es palatida ala. Lo es scriveda w ante o e es labialida ala. E lo es scriveda gh a otra locas.
La esplodente glotal ‘ no es scriveda cuando a la comensa de un parola.
Vocales
editaNavaho ave cuatro vocales fundal: a, e, i, e o. Cada de esta pote es o corta o longa, e o nasalida o nonasalida:
- corta, como en a e e
- longa, como en aa e ee
- nasalida, como en ą e ę
- nasalida longa, como en ąą e ęę
Tonos
editaNavaho ave du tonos, alta e basa. Silabas es costumal basa. Con vocales longa, esta tonos combina per cuatro posables:
- alta, como en áá e éé,
- basa, como en aa e ee,
- levante, como en aá e eé
- cadente, como en áa e ée
Multe combinas es posable, per esemplo ą́ą́ (longa, nasalida, alta tono).
| ’ | a | á | ą | ą́ | aa | áá | ąą | ą́ą́ | b | ch | ch’ | d | dl | dz | e | é | ę | ę́ | ee | éé | ęę | ę́ę́ | g | gh | h | hw | i | í | į | į́ | ii |
| íí | įį | į́į́ | j | k | k’ | kw | l | ł | m | n | o | ó | ǫ | ǫ́ | oo | óó | ǫǫ | ǫ́ǫ́ | s | sh | t | t’ | tł | tł’ | ts | ts’ | w | x | y | z | zh |
| ɪ́ː | ɪ̃ː | ɪ̃́ː | tʃ | kx | k’ | kxʷ | l | ɬ | m | n | o | ó | õ | ṍ | oː | óː | õː | ṍː | s | ʃ | tx | t’ | tɬʰ | tɬ’ | tsʰ | ts’ | w/ɣʷ | h/x | j/ʝ | z | ʒ |
Gramatica
editaNavaho es un lingua aglutinante e polisintesal, e lo marca la nucleos. Ma multe de sua afisas combina a contratas plu como linguas fusante. La ordina fundal es SOV (sujeto-ojeto-verbo). Navaho usa la plu la prefisas, cual es noncomun per un lingua SOV.
Navaho es forte verbal - lo ave multe verbos ma relativa poca nomes. Navaho ave ance pronomes, cliticas variosa, mostrantes, numeros, posposadas, averbos, e juntas. Los es clasida como “particulas” (paroletas). Navaho no ave un clasi como ajetivos, cual es espresada prima par verbos (pe, en loca de "grande", los ta dise "es grande").
Verbos
editaLa parte la plu importante de un frase en navaho es la verbo. Verbos es composada de un radis astrata, a cual on ajunta prefisas de sinifia e gramatica. Cada verbo debe ave a min un prefisa, e la prefisas es ajuntada a la verbo en un ordina spesifada.
Navaho ave un ordina de prefisas definida par un sistem de postos, de cual no tota nesesa es plenida. Du tipos de prefisas esiste: “disjuntal” e “conjuntal”, cual es distinguida par se condui fonolojical:
prefisas desjuntal prefisas conjuntal radis
La model de prefisas pote es sudivideda a 11 postos, con alga de los con an plu sudivides:
| prefisas desjuntal | prefisas conjuntal | stem | |||||||||
|---|---|---|---|---|---|---|---|---|---|---|---|
| 0 | 1a | 1b | 2 | 3 | 4 | 5 | 6 | 7 | 8 | 9 | 10 |
| posposada ojeto |
"zero posposada" |
adverbal- temal |
repetente | plural | ojeto direta | indicante | adverbal- temal |
moda- aspeta |
sujeto | clasinte | radis |
En un poca de casos, prefisas cambia sua ordina.
Verbos ave prefisas cual ata como pronomes per e la sujeto e la ojeto, e los varia per moda e per numero (singular e dual-plural):
Numero Prefisas de sujeto Prefisas de ojeto Singular Dual-Plural Singular Dual-Plural Prima (1) -sh- -Vd- shi- nihi- Du (2) ni- -oh- ni- Tre (3) -Ø- bi- Tre (3o) yi- Cuatro (3a) ji- ha- ~ ho- Nondefinada (3i) ʼa- ʼa- Spasio (3s) ha- ~ ho- ha- ~ ho- Refletante – (ʼá)-di- Reciproca – ʼahi-
La prefisas per sujetos aveni en du postos: Per la persones prima e du, los aveni a posto 8. La prefisas cuatro, nondefinida, e “spasial” aveni a posto 5. Person tre es marcada par la asenta de un prefisa (“prefisa null”). La prefisas per ojetos aveni a posto 4 como ojetos direta, en posta 1a como un prefisa null, o en posto 0 como la ojeto de posposadas cual ia es incluida en la verbo completa.
La person cuatro es un pronom periferial ji-, e refere prima a persones o animales personida. Lo ave multe usas:
- per refere a la carater major en naradas;
- per distingui entre du persones tre;
- per refere cortes o nonpersonal a persones distante sosial (pe cuando on parla a un frate o sore de la seso oposante e relatas de sposi, cuando on avisa cautia, o cuando on parla de la mor).
- per la nonpersonal, como lfn “on”.
- per un “spasio” o loca nondefinida, como lfn “on ave”.
Un model esempla per “jela” (nonperfetida), mostrante la prefisas de sujeto:
Singular Dual-Plural Prima yishtin "me jela" yiitin "nos (2+)jela" Du nitin "tu jela" wohtin "vos (2+)jela" Third yitin "el/los jela" Fourth (3a) jitin "el/los jela" Indefinite (3i) atin "algun/alga cosa jela"
Transitivia
editaEn posto 9, on trova prefisas cual indica transitivia e vose: -ł-, -d-, -l-.
La prefisa -ł- indica ce la verbo ativa es causante. Per esemplo, yibéézh "el boli" (yi-Ø-béézh), yiłbéézh "el boli el” (yi-ł-béézh); naʼniyęęsh "alga cosa flue vagante" (naʼni-Ø-yęęsh), naʼniłhęęsh "el causa ce alga cosa flue vagante" (naʼni-ł-yęęsh).
La prefisa -d- aveni en la plu de verbos pasiva, mediopasiva, refletante, e resiproca. Per esemplo, yizéés "el canta el" (yi-Ø-zéés), yidéés "el es cantada" (yi-d-zéés).
La prefisa -l- aveni en la plu de verbos pasiva, mediopasiva, refletante, e resiproca cual deriva de verbos con un prefisa -ł-. Per esemplo, néíłtsááh "el seci lo" (ná-yi-ł-tsááh), náltsááh lo es secinte" (ná-l-tsááh).
Moda e aspeta
editaNavaho ave multe prefisas e otra varias per indica moda, aspeta, e tempo. Estas es clasida en sete “modas” e sirca 12 aspetas e 10 suaspetas.
La modas es…
- nonperfetiva
- perfetiva
- progresante
- futur
- abitual
- repetente
- esperante
La modas a supra ave sinco formas de radises. Per esemplo, la verbo per “jua, broma” ave esta formas:
| Moda | Radis |
|---|---|
| Nonperfetiva | -né |
| Perfetiva | -neʼ |
| Progresante/Futur | -neeł |
| Abitual/Repetente | -neeh |
| Esperante | -né |
La nonperfetiva indica ce un aveni o ata ia es comensada ma resta noncompletada. Lo no indica tempo, ma es comun traduida como la forma presente.
La perfetiva indica ce un aveni o ata cual ia es completada. Lo pote es traduida como la pasada.
La progresante indica un aveni o ata cual continua, sin refere a un comensa o fini. Lo pote es traduida como “es ...nte”.
La futur indica un aveni o ata cual es en la futur, como en lfn.
La abitual indica un aveni o ata cual es repeteda e aveni comun. Lo pote es traduida par usa averbos como “sempre” o “abitual”.
La repetente indica un aveni o ata cual es repeteda e costumal. Lo pote es traduida par usa averbos como “repetente” o “cada ves”.
La esperante indica un desira o espera. Lo pote es traduida par la usa de verbos aidante como “espera” o “desira”.
La aspetas es…
- momentin - puntual, aveni a un punto en tempo
- continuante - estende en tempo nondefinada, e move con un dirije spesifada
- durante - estende en tempo nondefinada, ma sin move
- serial - un continua de atas repeteda o en serie
- concluinte - como durante, ma con un fini perfetiva
- solitar - un ata solitar en un serie de atas repeteda
- distribuida - manipula de ojetos o performa de atas distribuida
- diversa - move distribuida entre ojetos (simil a distribuida)
- atentada - ata atentada
- transita - un cambia de un stato a un otra
- linial - move en un linia tra tempo e spasio
La suaspetas es…
- completante - la aveni o ata simple
- terminante - la sesa de ata
- statal - un stato durante
- comensante - la comensa de un ata
- terminal - un ata terminal par natur
- estendente - la comensa o fini estendeda de un ata
- serial - serie juntada de atas separada e distinguida
- ensinta - foca sur la comensa de un ata nonmovente
- reversante - reveni a un stato o loca presedente
- solitar - un repete singular de un aveni o ata
Alga modas pote aveni con aspetas variosa. Como con la modas, aspetas ave radisas diferente an cuando en la mesma moda. Esemplos:
| Nonperfetiva | Perfetiva | Progresante- Futur |
Abitual- Repetente |
Esperante | |
|---|---|---|---|---|---|
| Momentin | -chʼííł | -chʼil | -chʼił | -chʼił | -chʼííł |
| Transita | -chʼííł | -chʼiil | -chʼił | -chʼił | -chʼííł |
| Continuante, Concluinte |
-chʼil | -chʼil | -chʼił | -chʼił | -chʼil |
| Solitar | -chʼił | -chʼił | -chʼił | -chʼił | -chʼił |
| Serial | -chʼił | – | – | – | – |
| Atentada | -chʼiił | -chʼil | -chʼił | -chʼił | -chʼiił |
| Nonperfetiva | Perfetiva | Progresante- Futur |
Abitual- Repetante |
Esperante | |
|---|---|---|---|---|---|
| Momentin, Diversa, Distribuida |
-chįįh | -chą́ą́ʼ | -chįįł | -chįįh | -chą́ą́ʼ |
| Continuante | -chą́ą́ʼ | -chą́ą́ʼ | -chį́į́ł | -chį́į́h | -chą́ą́ʼ |
| Concluinte | -chin | -chą́ą́ʼ | -chį́į́ł | -chįįh | -chą́ą́ʼ |
| Solitar | -chįh | -chįh | -chįh | -chįh | -chįh |
| Serial | -chą́ą́ʼ | – | – | – | – |
| Atentada | -chį́į́h | – | – | – | – |
| Linial | – | – | -chį́į́ł/-chį́į́h | – | – |
Verbos clasinte
editaNavaho ave 11 radises verbal per indica un ojeto par se forma o otra cualias, en ajunta a la descrive de move o stato de un ojeto. Esta esemplos es en la moda perfetiva:
| Radis clasinte | Eticeta | Esplica | Esemplos |
|---|---|---|---|
| -ʼą́ | SRO | Ojeto ronda e solida | botela, bal, bota, caxa, etc. |
| -yį́ | LPB | Carga, paco | bolson, saco, sela, etc. |
| -ł-jool | NCM | Materia noncompata | alga capeles o erba, nube, nebla, etc. |
| -lá | SFO | Ojetos magra e curvable | corda, gantetas, calsetas, pila de oniones fritada, etc. |
| -tį' | SSO | Ojeto magra e rijida | flexa, brasaleta, padela, siera, etc. |
| -ł-tsooz | FFO | Ojeto plata e curvable | covreleto, jaca, saco de comedas, etc. |
| -tłééʼ | MM | Materia gaxin | crema jelada, fango, un person ebra e colasada, etc. |
| -nil | PLO1 | Ojetos plural 1 | ovos, bales, animales, monetas, etc. |
| -jaaʼ | PLO2 | Ojetos plural 2 | baletas de marmo, semes, zucar, insetos, etc. |
| -ką́ | OC | Contenidor abrida | vitro de lete, culier de come, mano de farina, etc. |
| -ł-tį́ | ANO | Ojeto animada | microbio, person, corpo mor, pupa, etc. |
Navaho no ave sola un verbo per "dona". Per dise "dona alga feno a me", on dise níłjool (NCM) ; per dise "dona un sigareta a me", on dise nítįįh (SSO). La idea de "dona" ave 11 formas cual indica la forma de la ojeto.
En ajunta a indica la cualias fisical de la ojeto, radises verbal ance distingui la moda de move de la ojeto. Ave tre grupos:
- manipula (porta, basi, prende, etc)
- lansa (lansa, lasa cade, etc)
- move libre (vola, cade, etc)
Esemplos regardante ojetos ronda:
- -ʼą́ "manipula un ojeto ronda"
- -neʼ "lansa un ojeto ronda"
- -l-tsʼid "un ojeto ronda move libre"
Anima
editaNavaho indica niveles variosa de anima en sua gramatica. Alga nomes nesesa formas spesifada de verbos seguente sua nivel de anima. Nomes en navaho es ordinada de la plu animada (pe un umana o lampo) a la min animada (pe un astrata):
Umanas, lampo > enfantes, animales grande > animales media > animales peti > insetos > fortes natural > plantas, ojetos nonanimada > astratas
Jeneral, la nom la plu animada en un frase debe aveni prima, e la nom min animada aveni a pos. Si la du nomes es egal, un o la otra pote aveni prima. La prefisa yi- indica ce la nom prima es la sujeto e la prefisa bi- indica ce la nom du es la sujeto.
| (1) | Ashkii | at'ééd | yiníł'į́. |
| xico | xica | yi-regarda | |
| 'La fio regarda la fia' | |||
| (2) | At'ééd | ashkii | biníł'į́. |
| xica | xico | bi-regarda | |
| 'La fia es regardada par la fio' | |||
La frase seguente sona noncoreta en navaho car la nom min animada aveni ante la nom plu animada:
| (3) | * Tsídii | at'ééd | yishtąsh. |
| avia | xica | yi-pica | |
| 'La avia pica la fia' | |||
Es plu bon si la nom animada aveni prima:
| (4) | At'ééd | tsídii | bishtąsh. |
| xica | avia | bi-pica | |
| 'La fia es picada par la avia' | |||
Nota ce esta frase es traduida con un verbo pasiva, ma en navaho el no es pasiva. Pasivia es indicada par prefisas de transitivia. La prefisas yi e bi indica atas direta e reversada.
Nomes
editaMulte consetas espresada par nomes en lfn es espresada par verbos en navaho. La plu de nomes vera no es cambiada per pluralia o per caso. En fato, nomes e formulas nomal es comun no nesesada per crea un frase, car la verbo conteni tan multe informa.
Ave du tipos comun de nomes:
- nomes simple
- nomes derivada de verbos (nomida "nomes desverbida")
La nomes simple es distinguida par se capas de es cambiada par un prefisa de posese:
Radis Lfn Radis de nom poseseda Lfn Morfemes béésh "cotela" bibéézh "sua cotela" bi- (person 3) + béézh "cotela" hééł "paco" shiyéél "mea paco" shi- (person 1 singular) + yéél "paco"
Nomes desverbida es verbos o formulas verbal cual es nomida con un enclitico. Alga no nesesa un enclitico. Un esemplo es náʼoolkiłí (orolojo), cual es derivada de la verbo náʼoolkiłí (“el es moveda lente en un sircula”). Un otra esemplo es hataałii (cantor) de la verbo hataał (“el canta”) e la enclitico ii. Nomes desverbida pote es multe longa e complicada, como esta:
chidí naaʼnaʼí beeʼeldǫǫhtsoh bikááʼ dah naaznilígíí "tance militar"
El es composada de:
- chidí naaʼnaʼí - "trator arugin"
- chidí - "auto"
- naaʼnaʼ - "el rampe"
- í - sufisa nominte
- beeʼeldǫǫhtsoh - "canon"
- beeʼeldǫǫh - "on pote crea un esploda ruidos con el"
- tsoh - "grande"
- nv|bikááʼ - "sur el" posposada
- dah naaznil - "los senta reta"
- ígíí - sufisa nominte
Posese
editaPosese es espresada con prefisas de posesa:
Singular Dual Plural Prima shi- nihi- danihi- Du ni- nihi- danihi- Tre bi- Cuatro (3o) yi- Cuatro (3a) ha-, hw- Nondefinada (3i) a-
Esta prefisas es ance usada cuando la posesor es indicada par un nom, como en Jáan bimá - "la madre de Jan", o leteral "Jan sua madre".
Navaho indica posesa nonalienable per alga nomes - familia, partes de la corpo, casas e nidos. Esta nomes pote aveni sola con un prefisa de posese, como en shimá (me madre). Si on vole parla de madres en jeneral, on debe usa la prefisa per la person tre nondefinada a ("de algun") - amá.
Posposadas
editaNavaho usa posposadas como lfn usa preposadas. Tota relatas spasial e la plu de otra relatas como “su”, “sur”, o “supra” es espresada par usa la prefisa de posese con la posposada. Tota posposadas es nonalienable, cual sinifia ce un prefisa o fusa con un nom vera es nesesada.
Esemplos inclui biyaa (su el), bikááʼ (sur el), e bitah (entre el). Estas pote es combinada con cada pronom, per esemplo: shiyaa (su me)
Numeros
editaNavaho ave parolas unica per un a des.
11 a 19 es formada par ajunta la sufisa -tsʼáadah ("plu des") a la numeros fundal.
20 a 100 es formada par ajunta la sufisa -diin (“par des”) a la numeros fundal.
numero fundal +10 (-tsʼáadah) x10 (-diin) 1 tʼááłáʼí łaʼtsʼáadah (11) – 2 naaki naakitsʼáadah (12) naadiin (20) 3 tááʼ tááʼtsʼáadah (13) tádiin (30) 4 dį́į́ʼ dį́į́ʼtsʼáadah (14) dízdiin (40) 5 ashdlaʼ ashdlaʼáadah (15) ashdladiin (50) 6 hastą́ą́ hastą́ʼáadah (16) hastą́diin (60) 7 tsostsʼid tsostsʼidtsʼáadah (17) tsostsʼidiin (70) 8 tseebíí tseebíítsʼáadah (18) tseebídiin (80) 9 náhástʼéí náhástʼéítsʼáadah (19) náhástʼédiin (90) 10 neeznáá – neeznádiin (100)
100-900 es formada par ajunta -di a la numeros funda, e ajunta la parola per “sento” - neeznádiin. Per esemplo: táadi neeznádiin - 300.
Per miles, mííl (from Spanish mil) es usada: naakidi mííl - 2000, etc.
La parola per “milion” es formada par ajunta -tsoh "grande" a mííl: mííltsoh
Numeros combinada ave multe formas noncoerente.
Testo esemplal
editaDiné bizaad:
- Ashiiké tʼóó diigis léiʼ tółikaní łaʼ ádiilnííł dóó nihaa nahidoonih níigo yee hodeezʼą́ jiní. Áko tʼáá ałʼąą chʼil naʼatłʼoʼii kʼiidiilá dóó hááhgóóshį́į́ yinaalnishgo tʼáá áłah chʼil naʼatłʼoʼii néineestʼą́ jiní. Áádóó tółikaní áyiilaago tʼáá bíhígíí tʼáá ałʼąą tłʼízíkágí yiiʼ haidééłbįįd jiní. "Háadida díí tółikaní yígíí doo łaʼ ahaʼdiidził da," níigo ahaʼdeetʼą́ jiníʼ. Áádóó baa nahidoonih biniiyé kintahgóó dah yidiiłjid jiníʼ....
Tradui libre:
- Alga xicos fol ia deside fa alga vino per vende, donce cada de los ia planta uvos e, par labora forte, eleva los a maturia. Alora, pos fa la vino, cada de los ia pleni un saco con el. Los ia acorda ce los no ta dona un bevi de el a no tempo, e los alora ia comensa vade a la vila, portante la sacos de vino sur sua dorsos...
Testo interlineal:
| Ashiiké | tʼóó diigis | léiʼ | tółikaní | łaʼ | ádiilnííł |
| xicos | fol | spesifada | vino | alga | nos va fa |
| dóó | nihaa | nahidoonih | níigo | yee | hodeezʼą́ | jiní. |
| e | de nos | el es comprada | los dise | con el | los projeta | on dise |
| Áko | tʼáá ałʼąą | chʼil naʼatłʼoʼii | kʼiidiilá |
| donce | separada | uvos | los planta los |
| dóó | hááhgóóshį́į́ | yinaalnishgo | tʼáá áłah | chʼil naʼatłʼoʼii | néineestʼą́ | jiní. |
| e | forte | los labora a los | ambos de los | uvos | los eleva los | on dise |
| Áádóó | tółikaní | áyiilaago |
| e alora | vino | los ia fa el |
| tʼáá bíhígíí | tʼáá ałʼąą | tłʼízíkágí | yiiʼ | haidééłbįįd | jiní. |
| cada se propre | separada | sacos de pel de capra | en los | los pleni los | on dise. |
| "Háadida | díí | tółikaní yígíí | doo | łaʼ | ahaʼdiidził | da," | níigo |
| "alga tempo | esta | vino, spesifada | no | alga, cualce | nos va dona la un a la otra | no," | los dise |
| ahaʼdeetʼą́ | jiníʼ. |
| los acorda | on dise. |
| Áádóó | baa | nahidoonih | biniiyé | kintahgóó | dah | yidiiłjid | jiníʼ. |
| e alora | de alora | el va es comprada | se intende | a vila | de sur | los compensa porte el a se dorsos | on dise |