La anatomia de C. elegans, mas

La nematodos (o vermes ronda) es un filo diversa de animales abitante un estende grande de ambiente. La spesies pote es difisil per distingui, e an si plu ca 25,000 ia es descriveda, de cual dui es parasitos, on estima ce plu ca 40,000 spesies esiste. Nematodos es clasida, con insetos e otra animales ci muta en la clado Ecdisozones, e en contrasta con vermes plata, los ave un sistem de dijesta tubin con abris a ambos finis.

Nematodos ia susede ajusta a cuasi tota ecosistemes, pd acua dulse e salosa, solos variosa, rejiones polal e tropical, elevas la plu alta e la plu basa. Los aveni en cuantias plu grande ca otra animales, como individuas e spesies. Los esiste .9 a 3.6 km su la surfas de tera en minas de oro en Sudafrica, e composa 90% de tota animales a la fondo de la mares. Los ave comun plu ca un milion individuas per metre cuadrida, e composa sirca 80% de tota animales individua sur tera. Sua diversia en multe ambientes e usa de nuri variosa indica un rol importante en multe ecosistemes. Sirca 2271 jeneras es categorida en 256 familias. La multe formas parasital inclui patojenes en la plu de plantas e animales, e un tri de la jenera es parasitos de vertebratos, incuinte sirca 35 en umanas.