Niall Ferguson
Niall Ferguson es un istoriste e comentor political brites.
En 2004, el ia es nomida como un de la persones la plu influente en la mundo par la revista Time. En la anios presedente, el ia es editor per Bloomberg Television e scrivor de colona per Newsweek. Ferguson ia es conselor de la campania presidental de John McCain en 2008, ia suporta Mitt Romney en 2012 e ia critica Barack Obama. Ferguson ia reseta la Premio Ludwig Erhard per jornalisme economial en 2013. A presente, el es un membro rexercante xef a Jesus College, Oxford, un membro xef a la Instituida Hoover, Universia de Stanford, e profesor visitante a New College of the Humanities (Scola Nova de Siensas Umana).
Eurabia
editaEn 2015, Ferguson ia deplore la atacas en Paris fada par teroristes de la Stato Islamiste, ma ia afirma ce el no ia vole "suporta" Frans car el ia razona ce Frans es un caso perdeda, un stato declinante frontinte un onda islamiste nonparable cual ta puxa tota cual atenta oposa lo. Ferguson ia compara la Uni European moderna con la Impero Roman Ueste, descrivente la Europa moderna como un mundo no tan diferente de lo representada par Edward Gibbon en sua libro La declina e cade de la Impero Roman.
| Prosedes disturbante simil es destruinte oji la Uni European... Nos debe es clar sur lo cual es aveninte. Como la Impero Roman en la sentenio 5 temprana, Europa ia permete la desintegra de sua defendes. Cuando sua ricia ia crese, ance sua capasia militar ia diminui, juntada con sua crede a se mesma. Lo ia crese dejenerada en sua sentros comersial e stadiones de futbal. A la mesma tempo, lo ia abri sua portes a stranjeres ci ia anela sua ricia sin renunsia sua fida vea. |
Ferguson ia scrive ce la enflue enorme de la refujadas suposada de Suria a Europa es un varia moderna de la Völkerwanderung cuando la hunes ia sorti de Asia e ia invade Europa, causante la fuji de miliones de persones germanica a la securia suposada de la Impero Roman, entrante par forsa en cuando la romanes ia atenta nonsusedosa preveni esta.