Nomes engles

Plural

La plu de nomes en engles indica sua plural par ajunta -s o -es. Pos vocales e consonantes vosida, la -s es pronunsiada /z/; pos consonantes nonvosida, la -s es pronunsiada /s/; pos s, z, sh, ch, o j (o plu esata la sonas /s/, /z/, /ʃ/, /ʒ/, /tʃ/ o /dʒ/) on usa -es, pronunsiada /ɨz/. Si la nom fini con -y (pos un consonante), la -y (pronunsiada /i/ o /ai/) deveni -ies (pronunsiada /iz/ o /aiz/ en acel ordina). Esemplos:

• cat - cats /-s/
• girl - girls /-z/
• boy - boys /-z/
• tea - teas /-z/
• kiss - kisses /-ɨz/

Alga nomes cual fini con /f/ o /θ/ cambia los a /v/ o /ð/ ante la fini /-z/. En la caso de /f/ a /v/, la letera es cambiada de f a v. Ma multe nomes no segue esta regula, o pote segue la regula normal o esta regula, dependente a la dialeto. E un parola cambia /s/ a /z/:

• mouth - /maʊθ/ - mouths /maʊðz/
• leaf /liːf/ - leaves /liːvz/
• proof /pru:f/ - proofs /pru:fs/
• hoof/ hʊf/ - hoofs /hʊfs/ o hooves /hu:vz/
• house /haʊs/ - houses /haʊzɨz/

La dirije de evolui de esta esetas es a la coere. Donce, multe persones dise /maʊθs/, /li:fs/, e /haʊsɨs/.

Multe nomes de animales ave la mesma forma en la plural como la singular:

• bison
• buffalo
• deer
• fish
• moose
• pike
• plankton
• salmon
• sheep
• squid
• swine
• trout

Ma nota ce multe persones usa la forma normal (pe buffalos, fishes, squids, etc).

Tre nomes ave la plural con -en:

• ox - oxen
• child - children
• brother - brethren

E alga nomes usa un cambia de la vocal per indica la plural, un resta de la umlaut de la orijinas de engles en la germanica antica:

• foot - feet
• goose - geese
• tooth - teeth
• louse - lice
• mouse - mice
• man - men
• woman - women /ˈwɪmɨn/

E tre nomes ave otra noncoerentes:

• person - people/persons
• die - dice/dies
• penny - pence/pennies

En la pasada, parolas cual deriva de latina o elinica ia manteni sua plural orijinal. An si multe de los resta, spesial en usa tecnical, otras ia deveni normalida. Alga ia perde sua forma plural, o usa la forma plural como la singular. Esemplos:

• matrix - matrices
• axis - axes
• crisis - crises
• series - series
• species - species
• agenda - agendas
• datum/data - data
• millennium - millennia
• ovum - ova
• alumnus - alumni
• focus - foci/focuses
• genus - genera
• radius - radii
• syllabus - syllabi/syllabuses
• cactus - cactuses/cacti
• fungus - fungi
• criterion/criteria - criteria
• stigma - stigmata/stigmas
• schema - schemata/schemas

Nomes adotada de otra linguas es cuasi sempre normalida.

Posese

La posese de nomes es creada par usa la sufisa scriveda -'s, pronunsiada como la plural (pd /-s/, /-z/. Pos nomes plural cual fini con -s o -es, la posese es indicada par sola -', e la pronunsia no cambia.

• dog - dog's
• dogs - dogs'
• kiss - kiss's
• kisses - kisses'

Seso

Seso gramatical no esiste estra la usa de la pronomes personal. La mas e la fema pote es espresada par ajunta ajetivos como male e female cuando nesesada. Alga nomes per persones pote ave un forma fema con la sufisa -ess:

• actor - actress
• duke - duchess
• baron - baroness
• enchanter - enchantress
• god - goddess
• emperor - empress
• host - hostess
• count - countess
• heir - heiress
• shepherd - shepherdess
• priest-priestess

Ma parolas diferente per fema e mas esiste en multe casos:

• lady - gentleman
• lady - lord
• queen - king
• nun - monk
• bride - groom
• sister - brother
• aunt - uncle
• niece - nephew
• hero - heroine

Ance, alga parolas ave formas jeneral, fema, e mas:

• person - woman - man
• spouse - wife - husband
• parent - mother - father
• child - daughter - son
• child - girl - boy

Alga parolas per la fema e mas de animales esiste ance. Los es plu usada par cultivores e xasores, etc:

• deer - doe - buck
• cow - cow - bull
• chicken - hen - rooster
• goose - goose - gander
• horse - mare - stallion
• sheep - ewe - ram