Numero razonal

En matematica, un numero razonal es un tal numero, cual pote resulta cuando un entero es divideda entre un otra entero. Lo es: un numero razonal pote es scriveda como un frato de du enteros. Cada numero rasional es ance un numero real, e pote es positiva o negativa. Un numero cual no es rasional es nomida nonrazonal.

La plu de la numeros, cual on usa a cada dia, es razonal. Los inclui fratos e enteros. Ance per esemplo 1,5 es un numero razonal, car lo pote es scriveda como un frato 3/2.

Varias de formas de numeros razonal

Forma fratal

Tota numeros razonal pote es scriveda como fratos. La numero 1,5 per esemplo,pote es scriveda $1{\frac {1}{2}}$, ${\frac {3}{2}}$, o $3/2$.

Plu esemplos de fratos: ${\frac {1}{7}}$, ${\frac {-8}{9}}$, e ${\frac {2}{5}}$.

Desimal finita

Un parte grande de numeros razonal pote es scriveda en la forma de desimal finita. La dijitos ante la virgula desimal indica la parte intera, e la dijitos pos la virgula indica la parte fratal de la numero. Nota, ce la cuantia de dijitos es asi finita! Esemplos inclui 3,2, 4,075, e -30012002. Tota de estas es numeros razonal. Un otra bon esemplo es 0,9582938472938498234.

Desimal repeteda

Un desimal repeteda es un forma desimal, cual ave nonfinita multe de dijitos pos la virgula desimal, ma en tal modo ce alga dijitos forma un periodal, un grupo, cual es repeteda sin fini.

Un esemplo es ${\frac {1}{3}}$. Como un desimal lo es scriveda 0,3333333333... La puntos indica ce 3 repete sin fini.

La seguente es un caso, do un grupo repete: La frato ${\frac {1}{11}}$ como un desimal es 0.09090909... Asi la grupo 09 repete.

Lo es posible ce alga otra dijitos presede la grupo repetente. Per esemplo si ${\frac {1}{6}}$ es scriveda como 0,16666666... Asi la dijito 6 repete pos la dijito 1.

Cuando calculante esta, un calculador ta fa un rondi. Per esemplo tua calculador ta dise ce ${\frac {2}{3}}=0,6666667$, an tal on ave no 7. Lo rondi la 6 ultima a 7. Alga calculadores moderna pote memori la resulta coreta an tal los mostra mera la numero rondida.

Numeros nonrazonal

Un numero es nonrazonal, si lo no pote es presentada como un frato de du numeros intera. Ance la numeros nonrazonal pote es presentada como un desimal, ma esta desimal no es finita, no ave un periodal repeteda. Un de la numeros la plu importante en matematica, π (Pi) es nonrazonal. Sua forma desimal ave un cuantia nonfinita de dijitos, cual segue lunlotra con no sistem vidable. La comensa de la desimal es 3,1415926535. Alga dijitos pote repete a alga veses, ma on ave no periodal, cual ta repete sin fini.