La omeostase es la tende de organismes a autoregula e manteni sua ambiente interna en un ecuilibra relativa stable.

La conseta de regula de la ambiente interna ia es descriveda par la fisiolojiste Claude Bernard en 1865, e la parola omeostase ia es creada par Walter Bradford Cannon en 1926. Omeostase es casi sola un terma biolojial, referente a la consetas descriveda par Bernard e Cannon, consernante la constantia de la ambiente interna en cual la selulas de la corpo vive e survive. La terma sibernetica es aplicada a sistemes de controla tecnolojial como termostatos, cual funsiona como mecanicismes omeostasal, ma es frecuente definida multe plu larga ca la terma biolojial.