Onomatopea es la crea de un parola cual imita, sembla, e sujesta, par sua fonemes, la sona de un cosa. La parola deriva de la elinica ὀνοματοποιία, "la parola me crea".

La plu comun esemplos es la usa de esta parolas per la sonas de animales, como miau per la sona de un gato en lfn. Otra linguas usa otra parolas: miau en arabi es muwaa, en japanes - nyá, e islansce - mjá. Ma lo es miau no sola en lfn, ma ance en belarus, bulgarsce, crovatsce, suomi, deutx, lievuta, malai, polsce, portuges, rumanian, e espaniol. E lo es miao en xines e italian. Lo pare ce popla tende oia la sona en un modo simil.

Esemplos de otra parolas per sonas de animales en lfn:

  • gato -- miau
  • can -- uau-uau
  • leon o tigre -- grrr
  • lupo -- auuu!
  • simia -- i-i-i
  • bove -- muu
  • ovea o capra -- maa
  • cavalo -- iii!
  • asino -- i-aa
  • porco -- ronc-ronc
  • mus, ave, galeta -- pip-pip
  • corvo -- caa-caa
  • bu or pijon -- u-u
  • gal fema -- coc-coc-coc
  • gal om -- cucurucu!
  • pavo -- glu-glu
  • pato o rana -- cuac-cuac
  • rana -- rauc, crecrec
  • serpente -- sss
  • abea -- bzzz

Macinas es sua sonas pote es ance descriveda con onomatopea. Per esemplo, un piador dise pia-pia (e sua nom segue); un claxon dise bip-bipo tut-tut; un motor dise brum-brum; un sircuito corta dise sisa. Onomatopea pote difere entre linguas: La sona de un orolojia es tick-tock en engles, tic-tac en espaniol e italian, dī dā en xines, katxin-katxin en japanes, e tic-tic en indi.

Onomatopea pote es usada per alga sonas fada par umanas ance. On dise ica cuando on ica; iu cuando on es desgustada; mua es la sona de un besa grande, etc.

En alga casos, la sona deveni la nom per la cosa: en engles, on ave la avia cuckoo ("cucu"); en tamil, un corvo es un kaakaa. Alga linguas (pe maori de Zeland Nova) usa esta modo multe, e si on rexerca la parolas de multe linguas comun, on trova ce los deriva de un onomatopea.