Oromo (lingua)
Oromo (oromo: Afaan Oromoo) es un de la linguas afroasiatica cual parteni a la ramo cuxitica. Lo es nativa a la stato itiopian de Oromia, e es parlada xef par la popla oromo e etnicas visina en la Corno de Africa.
Con 33.8% parlores de oromo, segueda par 29.3% parlores de amarina, oromo es la lingua la plu parlada en Itiopia. Lo es ance la lingua la plu parlada de la ramo cuxitica, e la lingua cuatro la plu parlada en Africa, pos arabi, hausa, e suahili. Formas de oromo es parlada como la lingua prima par plu ca 35 milion persones oromo en Itiopia e par dui milion plu en partes de Cenia norde e este. Lo es ance parlada par cuantias plu peti de migrantes en otra paises african, como Sudafrica, Libia, Misre, e Sudan.
On pote sudivide Oromo como esta (fundida sur Ethnologue, 2005, and Roger Blench, 2006):
- Oromo ueste-sentral [gaz]:
- Oromo ueste: Maca/Mecha/Wollega, etc
- Oromo sentral: Shewa/Tuulama, etc
- Oromo este: Harar [hae]
- Oromo sude:
- Afan: Boranaa, Arsii, Gujii, Gabra, Sakuye, etc [gax]
- Orma: Munyo, Orma, etc [orc]
- Waata/Sanye [ssn]
Nota ce la sudivides no es completa acordada, e plu dialetos e relatas debe es ancora descovreda. La leteras entre [ ] es la corti ISO donada par Ethnologue.
Fonetica e Ortografia edita
La letera prima es la modo de scrive lo, e la letera du es la forma AFI per pronunsia. Los cual es brasetida es nova.
| Bilabial/ Labiodental |
Alveolal/ Retroflex |
Palato-alveolal/ Palatal |
Velal | Glotal | ||
|---|---|---|---|---|---|---|
| Esplodentes e africantes |
Sin vose | (p /p/) | t /t/ | ch /tʃ/ | k /k/ | ' /ʔ/ |
| Con vose | b /b/ | d /d/ | j /dʒ/ | g /ɡ/ | ||
| Ejetante | ph /pʼ/ | x /tʼ/ | c /tʃʼ/ | q /kʼ/ | ||
| Implodente | dh /ᶑ/ | |||||
| Fricantes | Sin vose | f /f/ | s /s/ | sh /ʃ/ | h /h/ | |
| Con vose | (v /v/) | (z /z/) | ||||
| Nasales | m /m/ | n /n/ | ny /ɲ/ | |||
| Prosimantes | w /w/ | l /l/ | y /j/ | |||
| Roticas | r /r/ | |||||
| Fronte | Sentral | Dorsal | |
|---|---|---|---|
| Cluida | i /ɪ/, ii /iː/ | u /ʊ/, uu /uː/ | |
| Media | e /ɛ/, ee /eː/ | o /ɔ/, oo /oː/ | |
| Abrida | a /ɐ/ | aa /ɑː/ |
Nomes edita
Oromo ave du sesos gramatical, mas e fema, e tota nomes parteni du un o la otra. Verbos acorda con sua sujetos en sese cuando la sujeto es en person tre singular (el o lo). La pronomes de person tre singular ance acorda con la seso de la nom a cual los refere. Ajetivos acorda con sua nomes, incluinte alga de la ajetivos de posese. En la plu de dialetos, on no pote reconose la seso de nomes, estra los cual refere spesifada a sua seso, spesial en umanas.
Oromo distingui entre singular e plural, ma on no es obligada per usa la plural. Plurales es formida par la ajunta de sufises, de cual la plu comun es -oota.
Oromo no ave articles nondefininte (como "un" en lfn), ma lo indica defininte ("la") con sufisada a la nom: -(t)icha per nomes mas e -(t)ittii per nomes fema. La sufises no aveni con la plural.
On ave sete casos en oromo, indicada par un sufisa o la longi de la vocal final. La sufisas segue sufisas de plural o defininte, si los apare. Per alga casos, on ave un estende de formas, algas per plu ca un caso, e la diferes en sinifia entre los pote es multe sutil
- Simple - usada per la ojeto de un verbo, preposada, o un predicativa nomal; la nom sin cambia.
- Nominative - usada per la sujeto de un verbo; lo es indicada par un sufisa de -n, o un varia de lo.
- Jenitiva - usada per indica posese; lo es indicada par la dupli de un vocal corta; vocales ja longa resta.
- Dativa - usada per la ojeto nondireto; lo ave multe modos per indica lo, incluinte la dupli de vocales, la sufisa -f o -iif, -dhaa o -dhaaf, o -tti.
- Strumental - usada per intodui un strumento o metodo par cual la ata es fada; -n, -tin, o -dhaan es la plu comun.
- Locativa - usada per indica loca: -tin es la sufisa usada asi.
- Ablativa - usada per indica la orijin: longi de vocal, la sufisas -dhaa, -ii, o -tii.
Pronomes edita
Oromo ave un colie completa de pronomes e ajetivos de posese. Per la sujeto, la pronom no nesesa es indicada, e la sujeto es indicada en la verbo.
| Elefen | Simple | Sujeto | Dativa | Strumental | Locativa | Ablativa | Ajetivas de posese k- mas, t- fema |
|---|---|---|---|---|---|---|---|
| me | ana, na | ani, an | naa, naaf, natti |
naan | natti | naraa | koo, kiyya, too, tiyya |
| tu | si | ati | sii, siif, sitti |
siin | sitti | sirraa | kee, tee |
| el (mas) | isa | inni | isaa, isaa(tii)f, isatti |
isaatiin | isatti | isarraa | (i)saa |
| el (fema | isii, ishii, isee, ishee |
isiin, etc. | ishii, ishiif, ishiitti, etc. |
ishiin, etc. | ishiitti, etc. | ishiirraa, etc. | (i)sii, (i)shii |
| nos | nu | nuti, nu'i, nuy, nu |
nuu, nuuf, nutti |
nuun | nutti | nurraa | keenna, keenya, teenna, teenya |
| vos | isin | isini | isinii, isiniif, isinitti |
isiniin | isinitti | isinirraa | keessan(i), teessan(i) |
| los | isaan | isaani | isaanii, isaaniif, isaanitti |
isaaniitiin | isaanitti | isaanirraa | (i)saani |
Verbos edita
Un verbo en oromo es composada minima de un radis, representante la sinifia de la verbo, e un sufisa, representante tempo o aspeta e acorda con la sujeto. Como otra linguas afroasiatica, oromo distingui entre du formas, pasa (o "perfeta") e presente (o "nonperfeta" o "nonpasada"). Ambos ave sua colie de sufisas. Un forma tre es fundida sur la presente con tre funsiones: en loca de la presente en proposas suordinada, per la ortativa (con la paroleta haa), e per la nega de la presente (con la paroleta hin).
La table a su mostra la conjuga, en la afirma e la nega, de la verbo beek-, cual sinifia "conose":
| Pasada | Presente | Ortativa, comanda | ||||||
|---|---|---|---|---|---|---|---|---|
| Proposa xef | Proposa suordinada | |||||||
| Afirma | Nega | Afirma | Nega | Afirma | Nega | Afirma | Nega | |
| me | -n beeke | hin beekne | -n beeka | hin beeku | -n beeku | hin beekne | haa beeku | hin beekin |
| tu | beekte | beekta | hin beektu | beektu | beeki | hin beek(i)in | ||
| el (mas) | beeke | beeka | hin beeku | beeku | haa beeku | hin beekin | ||
| el (fema) | beekte | beekti | hin beektu | beektu | haa beektu | |||
| nos | beekne | beekna | hin beeknu | beeknu | haa beeknu | |||
| vos | beektani | beektu, beektan(i) | hin beektan | beektani | beekaa | hin beek(i)inaa | ||
| los | beekani | beeku, beekan(i) | hin beekan | beekani | haa beekanu | hin beekin | ||
La vose pasiva es creada par ajunta -am a la radis de la verbo. Pos acel, on conjuga la verbo como normal. Per esemplo, beek "conose" > beekam "es conoseda".
Oromo ave ance un modo per crea verbos causante: on ajunta -s, -sis, o -siis a la verbo (con la esetas tipal per la fini de la verbo). Per esemplo, bar- "aprende" > barsiis- "ensenia".
E lo ave un modo per crea un forma per indica "autobenefica": ajunta -adh a la radis. Per esemplo, bit- "compra", bitadh- "compra per se mesma".
Referes edita
Blench, Roger (2006). Archaeology, Language, and the African Past (African Archaeology Series Book 9). Lanham, Md: AltaMira Press.