Oso naviculal
La oso naviculal es un oso peti trovada en la pedes de la plu de mamales.
Anatomia umana
editaLa oso naviculal umana es un de la osos tarsal, trovada en la pede. Sua nom deriva de sua sembla a un barco peti, causada par la concavia forte de la surfas articulal plu prosima.
La oso naviculal umana es locada a la lado plu media de la pede, e articula plu prosima con la talo, plu distante con la tre osos cuneforma e ladal con la oso cuboide.
Lo es la oso de pede ultima cual comensa osi e no tende fa lo asta la fini de la anio tre per xicas e la comensa de la anio cuatro per xicos, an si on ave un estende large de varia reportada.
La musculo tibial posterior es la sola musculo cual lia a la oso naviculal. La parte xef de la musculo inserta a la tuber de la oso naviculal. Un oso naviculal ajuntada ta es presente en 2-14% de la popla jeneral.