Otimisme
Otimisme es un disposa mental cual refleta un crede o espera ce la resulta de un atenta spesifiada o resultas jeneral, va es positiva, favorable, e desirable. Un espresa comun usada per ilustra otimisme contra pesimisme es un vitro con acua dui plenida: la otimiste, suposada, ta vide la vitro como dui plen, en cuando un pesimiste ta vide la vitro como dui vacua.
La parola deriva de la parola latina optimum, cual sinifia "la plu bon". Otimisme, en la sinifia comun, es la espeta de la resulta la plu bon de un situa. Esta es nomida en psicolojia como otimisme de disposa. Lo refleta la crede ce la futur va es probable desirable. Per esta razona, lo es videda como un cualia cual developa la dura en la fas de stresa.
Teorias de otimisme inclui modeles de disposa e models de stilo de esplica. Metodos per mesura otimisme ia es developada en ambos modeles, como varias de la proba de orienta a vive, per disposa, e la formularia de stilo de atribui per la stilo de esplica.
Varias en otimisme e pesimisme es alga eritable e refleta sistemes de cualias biolojial a alga grado. Lo es ance influeda par fatores ambiental, incluinte la ambiente familial, con algas sujestente ce lo pote es aprendeda. Otimisme es ance liada par alga rexercores a sania.
Otimisme filosofial edita
Distinguida de un disposa per crede ce la problemes ta resolve se jeneral, on ave ance la idea filosofial ce, posible en modos cual no pote es comprendeda completa, la momento presente es en un state la plu bon. Esta vista ce tota natur - pasada, presente, e futur - opera par leges de bonia en la forma simil a la prinsipe de Hamilton en la campo de fisica, es contradiseda par vistas como idealisme, realisme, e pesimisme filosofial. Filosofistes como lia la conseta de otimisme con Gottfried Wilhelm Leibniz, ci ia crede ce nos vive en la mundo la plu bon posible, o ce Dio ia crea un universo cual aplica la leges de fisica.
Leibniz ia proposa ce lo no es posible ce Dio crea un mundo perfeta, ma entre la mundos posible, el ia crea la plu bon. En un de sua scrives, el ia responde a la filosofia de Blaze Pascal de stona temosa e despera en la fas de la infinitia par declara ce infinitia debe es selebrada. En cuando Pascal promove per fa ce la aspiras razonante de umana plu umil, Leibniz ia es otimiste sur la capasia de razona umana per estende se plu. Esta ia es burlada par Voltaire en sua novela satiral Candide como otimisme sin cualce funda de la tipo esemplida par la credes de un de sua carateres, Dr Pangloss, cual es la oposada par Martin, sua viajor acompaniante, con sua pesimisme e asentua sur vole libre.
La pose otimiste es ance nomida "pesimisme panglossian" e ia deveni un ajetiva per otimisme esesente o an stonante, per descrive la la pose pesimiste ce, car esta es la mundo la plu bon posible, lo no es posible per cualce cosa deveni plu bon. Conversa, pesimisme filosofial pote es asosiada con un vista otimiste durante, car lo implica ce no cambia a la plu mal es posible.
Otimalisme edita
Otimalisme filosofial, como definada par Nicholas Rescher, dise ce esta universe esiste car lo es plu bon ca la alternativas. An si esta filosofia no esclui la posiblia de un Dio, lo ance no nesesa un, e es compatable con ateisme. Rescher ia esplica ce la conseta pote sta par se mesma, razonante ce lo no es nesesada per vide la reali de otimisme como creada par Dio car lo es un teoria naturistical de prinsipe.
Otimalisme psicolojial, como definada par la psicolojiste positiva Tal Ben-Shahar, sinifia la capasia per aseta fali en cuando resta fidente ce susede ta segue, un disposa positiva cual el contrasta con perfetisme negativa. Perfetisme pote es definada como un forsa compulsante e persistente a goles nonatenable e un evalua sola fundada sur ateni. Perfetistes rejeta la realias e constrinjes de la capasia uman. Los no pote aseta falis, pospone cualce condui aspirante e produosa per teme de fali denova. Esta neurose pote an condui a depresa clinical e produi minimal. Como un alternativa a perfetisme negativa, Ben-Shahar sujeste la adota de otimalisme. Otimalisme permete fali en la xasa a un gol, e espeta ce, an si la tende de ativia es a la positiva, lo no es nesesada per susede sempre. Esta funda en realia preveni la otimaliste de es inondada en la fas de fali.
Otimalistes aseta falis e ance aprende de los, cual coraji plu xasa de ateni. Ben-Shahar crede ce otimalistes e perfetistes mosta motivas diferente: otimalistes tende ave desiras plu interna, con un motiva per aprende, en cuando perfetistes es motivada forte par un nesesia per demostra ce los es valuada.
Otimisme psicolojial edita
cropped.jpg)
Rexercores tipal defina un terma par esplica la metodos usada, e donce la terma pote ave sinifias diferente en rexercores diferente. Otimisme e pesimisme de disposa es tipal mesurada par demanda de persones si los espeta resultas futur como beneficante o negativa. Jeneral, resultas otimiste predise relatas plu sasiante, state sosial plu alta, e redui de perde de bonstate seguente mal fortuna. Resultas pesimiste es asosiada con condui cual dana sania.
La stilo esplicante es distinguida de theorias de disposa a otimisme. An ce relatada a mesuras de otimisme de orienta a vive, la teoria de stilo atribui sujeste ce desposes otimiste e pesimiste es refletas de la modos en cual persones esplica avenis, pd la atribuis causa esta disposas. Mesuras de stilo de atribui distingui tre dimensiones entre esplicas de avenis: Esce esta esplicas refere a causas interna contra esterna; esce causes videda como stable contra nonstable; esce la esplicas aplicas global o spesifiada. Plu, la mesuras distingui atribuis per avenis positiva e negativa.
Un person otimiste atribui esplicas interna, stable, e global a bon avenis. Esplicas pesimiste atribui esta cualia de stablia, globalia, e intenia a avenis negativa, como difisilias en relatas. Modeles de atribuis mostra ce atribuis mesma es un stilo cognitiva - persones ci tende foca sur esplica global fa tal per tota tipos de avenis, e la stilos corelata entre lunlotra. En ajunta, individuas varia en como otimiste sua atribuis es es per bon avenis, e como pesimiste sua atribuis es per mal avenis, ma esta du cualias de otimisme e pesimisme no es corelatada.
On ave multe debatas sur la relata entre stilo de esplica e otimisme. Alga rexercores razona ce otimisme es simple la terma nonprofesal per lo cual rexercores conose como stilo de esplicas. Plu comun, los sujeste ce stilo de esplica es vera distingida de otimisme de disposa, e la du debe no es usada como intercambiable car los es sola cuasi corelatada. Plu rexerca es nesesada per junta o difere plu esta consetas.
Orijina e efeto de otimisme edita
Como con tota cualias psicolojial, la diferes entre otimisme de disposa e pesimisme e en stilo de atribui es eritable. Ambos es influeda forte par fatores ambiente, incluinte la familia. Lo ia es sujesteda ce otimisme pote es eritada nondireta como un refleta de cualias eritable fundal como intelijentia, tempera, e alcolisme. On ave evidentia de studias con jemelos cual mostra ce, per esemplo, la parte eritada de otimisme de disposa es sirca 25%, cual indica ce esta cualia es un dimension de personalia stable e un predisante de resultas en vive. La orijina jenetical, cual interata con influes ambiente e otra riscas, e ance determina la asentia de defende contra depresa en vive. Multe teorias suposa ce otimisme pote es aprendeda, e rexerca suporta un rol peti de familia per crese o decrese otimisme e decresa o crese neurose e pesimisme.
Rexerca usante imajes de la serebro e [[biocimica] sujeste ce a la nivel de cualias biolojial, otimisme e pesimisme refleta sistems de la sererbro spesialida per la taxes de prosede credes regardante informa bon e mal, en ordina. La relata entre otimisme e sania ia es studiada ance regardante sintomes fisical, stratejias per maneja la vive, e emosia negativa per los ci sufri de artrite reumatica, asma, e fibromialjia.